Tebbi Tuð

3tugur

2007-03-20T15:15:00.000+02:00

Jæja.. þá verð á þrítugur eftir 2 daga.. þ.e.a..s 22. mars.
Partý verður laugardagskvöldið 24. mars. OK???
Ég mun bjóða formlega í bráð, nánar tiltekið í dag... OK???
bæ

SPES

2006-12-28T01:20:00.000+02:00

Skoðið þetta...
http://www.mbl.is/mm/fasteignir/fasteign/?eign=230596

Jolatonleikar og Q-bar

2006-12-13T11:48:00.000+02:00

í kvöld verðar aðrir jólatónleikar Óla og félaga. Byrja klukkan 8 og jólafjör.
Svo er ég alltaf að spila á Q-bar á fimmtudagskvöldum. Síðasta fimmtudag var ekki Sjonni með mér heldur ENGINN ANNAR ER INGVAR VALGEIRSSOOOOOOOONNNNNN!!! Það var alveg svaka gaman enda langt, langt langt langt... síðan við höfum spilað saman ég og gússukallinn Ingvar. Og þá er nú gaman að segja frá því að ég og Ingvar munum endurtaka leikinn á morgun og spila saman af hjartans list.
alrighty...

Billboard

2006-12-06T11:34:00.000+02:00

Jæja.. þar sem ég er svo óduglegur við að skrifa um eitt og annað hef ég ákveðið að gera bara eins og svo margir aðrir: Nota bara bloggið mitt sem auglýsingarskilti... þ.e.a.s. skrifa aldrei neitt merkilegt nema tilkynningar um hvar ég er að fara að spila og svoleiðis..
Nú er ég að spila öll fimmtudagskvöld.. (stundum fleirri í vikunni) á Q-BAR (hvar er Q-BAR? spyrja líklega þeir sem hafa ekki farið niður í bæ í langan tíma og drekka bara nýorðið smá rauðvínsdreitil í "reunionum"). Svar: Þar sem Ari í Ögri var. Og ekki koma með eitthvað komment eins og: .. "ha ég vissi ekki einu sinni að Ari í Ögri væri hættur".... því jú hann er hættur.
Q-BAR er mjög flottur og kúl staður..
Kíkiði endilega, en ekki verða mér til skammar.
Svo eru tónleikar í Hafnarborg á morgun 7. des. og aftur 13. des. með Óla Má vini mínum og ívari Helga vini mínum og Esther söngkonu, nei ekki Esther Talíu... heldur Esther söngkonu. Einnig verður þarna sérstakur gestur: Raggi Bjarna. Einnig verður þetta fína band, Addi bróðir, ég, Gunni Hrafns og Erik Qvick (það er VÍST skrifað svona), ásamt fiðluleikurum; Elfa Björk og Freyja konan hans Óla... jú og svo má ekki gleyma VOXFOX sönghópnum.
Sjáumst einhvers staðar...
eða bara ekki ..
-Tebbi Tuð

David

2006-09-30T01:08:00.000+02:00

Vissuð þið að David Attenborough hefur unnið jafnlengi í sjónvarpi og BBC sjónvarpstöðinn hefur verið til. Var að horfa á heimildarþátt um meistarann og hann erlíklega sú manneskja sem ég virði mest af öllum í heiminum, verð bara að segja það.
Vildi bara segja það....
+

Löngunin

2006-09-16T03:12:00.000+02:00

Er að horfa með öðru auganu á Mission Impossible og það eru stundum mjög spes þýðingar í gangi. Þegar MAX segir "...doesn´t matter, it´s probably just the hard drive heating up" þá er þýðinginn, "...skiptir ekki máli, það er örugglega bara löngunin". LÖNGUNIN??? HA??? Sem sé "hard drive heating up" þýðir "löngunin". Magnað.
Svo spyr gæjinn sem vinnur í hvelfingunni frægu ritarann sinn, "can I get you anything?" þegar hann er á leið í kaffi og það er þýtt "get ég hjálpað þér?". Hvaða rugl er þetta eiginlega?

vildi bara deila þessu...

Annars byrja ég að kenna í Tónvinnsluskóla Þorvaldar Bjarna á mánudaginn, og mikið djöfull skal ég vera strangur... ég ætla að vera alveg CRAZY harðstjóri... með kennaraprik og kladda og allt!!!! :)

bæ

Buff - YouTube

2006-09-06T23:38:00.000+02:00

Setti ganni inn myndbandið með Buffinu, Ég passaði þig. Alrighty...

Dugnaður???

2006-08-24T01:16:00.000+02:00

Bara smá hugleiðingar, ekkert alvarlegt, og alls ekki kommúnistaáróður, enda er ég enginn kommi, eiginlega bara kapitalisti inn við bein og eiginhagsmunaseggur, sem hefur aldrei framið nokkra góðgerð á ævinni.

Það er eitt í allri þessari Háglauna/launamuns-umræðu sem stingur mig svolítið. Það er einkennileg notkun á orðinu duglegur, oftast þá notað um þá sem eiga hvað mest af peningum í þessu þjóðfélagi. Það sem mér finnst einkennilegt er þetta samansem merki sem sett er á milli efnaður og duglegur, þ.e. vel efnaður = duglegur maður.
Maður hefur heyrt og lesið setningar eins og, “Mér finnst ekkert að því ef fólk er duglegt að þá fái það tugi milljóna á mánuði í laun”. Mér finnst ekkert nema frábært að fólk sé duglegt og mér finnst allt í góðu með að fólk fái gríðarlega há laun, en mér finnst þessi jafna forríkur = duglegur bara svo ósanngjörn að því að hún virðist líka bera með sér andstæðu, þ.e.a.s. láglaunaður = óduglegur, eða jafnvel rétt-nær-endum-saman = letingi. Þó veit ég að þegar menn tala svona eins og dæminu hér á undan þá eru þeir ekki að meina að þeir sem eru í þessum láglauna flokki séu ekki duglegir, en þetta er svolítið óheppileg og svarthvít fullyrðing.
Ég tel íslensku þjóðina nefnilega vera ákaflega duglega bara svona yfir heildina litið. Kynslóðir á undan okkur þurfta algjörlega að vinna fyrir sínu og tel ég mína kynslóð t.d. njóta góðs af því.
En svo er spurninginn: Hvað er að vera duglegur??? Að vinna baki brotnu í 50 ár við t.d. verkamannavinnu, koma upp góðu heimili, ala upp börn, ná að njóta góðra stunda með sínum nánustu svona af og til, sjá verðmæti í óveraldlegum hlutum myndi ég telja bara vel af sér vikið. Er það eitthvað óduglegri framistaða en að fara aðrar leiðir, eins og að fara í viðskiptanám, nota kænsku sína og reynslu í fjármálum til að koma sér upp gríðarlegu fjármálaveldi og kaupa svo hlut í Glitni á 905 milljónir króna. Það er að sjálfsögðu einnig vel af sér vikið en myndi það mælast sjálfkrafa sem meiri dugnaður???
Ég tel sjálfan mig vera nú nokkuð duglegan mann enda hefur mér tekist að þéna bara mjög vel á síðustu árum og finnst mér það frábært, en það þýðir ekki að hver sem er geti gert það sama og ég. Það er vegna þess að það eru miklu fleirri breytur sem móta starfsframa og lífsgöngu fólks. Val forfeðra okkar, uppeldi, aðstæður af ýmsum toga, hvatning, áhugi, félagsskapur, hæfileikar, lánsemi eru þættir sem hafa líka gríðarleg áhrif. Það er jú nokkur sannleikur í því að hver er sinnar gæfusmiður og einstaklingur í þjóðfélagi sem okkur fær mjög mikið ráðið um sín örlög en það nær held ég bara svo og svo langt.
Það sjá það held ég allir að það geta ekkert allir fengið sömu stöðuna, það er alltaf einhver sem trónir yfir aðra. “Þjóðfélagspíramídinn”, ef svo mætti kalla, mun alltaf og hefur líklega alltaf verið til. Það að einhver taki forystu og skari fram úr öðrum er algjörlega í náttúrunnar eðli og því verður held ég seint breytt.
Æji…. Fokkitt… nenna ekki að skrifa meira um þetta..
“you get the point”!!!

Niðurstaöan sem ég er að reyna að komast að er líklega sú að dugnaður þinn er ekki endilega í beinu hlutfalli við lausafjárstöðu þína.

Annars vil ég bara ást, velferð og frið með öllum mönnum sem ég hef velþóknun á.
Afsakið sdaffsetnninngarvyllurnnar.
Og verið blíð í commentum ykkar.
Alrighty…

Imogen Heap

2006-08-17T23:09:00.000+02:00

Verðið að tjekka á þessu: Hide and seek með Imogen Heap
http://www.youtube.com/watch?v=5cpSv2mNhhc
Þetta er On-woman-band, og þetta lag er bara gæsari út í gegn, nett snilld finnst mér.
Skoðið líka hvernig hún flytur þetta live, (ég átti svona hljómborð einu sinni)
http://www.youtube.com/watch?v=4lemLl9s9Vc
Hér er hún með fleiri græjur, doldið cool:
http://www.youtube.com/watch?v=O_FCdOacpeA
Þar hafiði það...

í grenndinni...

2006-08-17T22:09:00.000+02:00

Er að horfa á Höllu Margréti, sem söng Hægt og hljótt, syngja O sole mio í Kastljósinu. Somebody kill me!!!

Frábært hjá Toby i Rockstar að taka Solsbury Hill og rústa því, þá meina ég rústa því eins og eyðileggja það, lagið er ónýtt. Lagið er ekki TIL lengur. Hann klúðraði öðru hverju orði í textanum, söng vitlausa laglínu (algerlega óviljandi held ég) og var að klikka á "my heart saying boom boom boom" línunni og allur pakkinn. PÚUÚÚÚÚÚÚ!!!!
Ekki var nú Gilby Clarke betri, það var eins og hann væri að spila "introið" á einn streng og "tæmaði" líka mjög illa.
En nóg um það.

Fór í Nettó um daginn og þar stóð við Hraðkassann: "H-mark 10 hlutir", af hverju H-MARK en ekki bara HÁMARK, átti þetta að vera einhver stytting eða bara töff???

Fleiri Kjörbúðasögur: Fór í Þina Verslun um daginn og þegar ég kem að kassanum er gömul kona standandi, ræðandi við afgreiðslustúlkuna. Afgreiðslustúlkan segir við konuna: "Nei, ég veit ekki verðið á þessari samloku að því að það er ekki búið að skrá það inn í kerfið, þú verður bara að fara og athuga verðið þar sem þú tókst samlokuna." Og gamla konan virtist verða bæði skömmustuleg og hissa, byrjaði að ganga rólega í gegnum alla búðina til að finna út verðið. Hvernig finnst ykkur þetta.

Annars er ég í filingi, konan í útlöndum, og ég og litla dúllan bara skilinn eftir á skerinu, það er allt í lagi.
jæja.. þetta er nóg í bili ..

Lasinn

2006-08-03T23:13:00.000+02:00

Þetta er ALVEG ROSALEGT!!! SHEIZE!!!
http://www.youtube.com/watch?v=7_rBidCkJxo
Annars er ég bara heima lasinn, og leiður..
Ætla að vera heima í bænum um helgina og gera kannski eitthvað sniðugt með krúttunum mínum tveimur. Förum kannski eitthvað í lautarferð og upplifum eitthvað skemmtilegt, kannski að maður kíki í fjölskyldugarðinn og upplfium svona smjörþef af útihátíðarstemmara.
Ég hef aldrei farið á þjóðhátíð og mun líklega aldrei úr þessu, flestir segja mér að það sé "möst", en mér er eiginlega alveg skítsama.
Jæja.. nenni þessu ekki ..
bæ

YESSSSS!!!

2006-07-31T00:43:00.000+02:00

Skjár Einn er að fara að sýna Parkinson, besta spjall í heiminum... mæli með því.
Spiluðum á Hvammstanga í gærkveldi á "good-old-fashioned" -flösku-sveita-balli. Það var bara mjög gaman, rokk og sviti.
Nú eru allir Sigur Rósar tónleikum en ég ákvað að vera bara heima og horfa á CSI:NY og Sleeper Cell.
Seacrest out!!!

"Eg vil vera memm"

2006-07-28T01:49:00.000+02:00

Alltaf gaman að fara með litla krúttið sitt eitthvert út að leika með bolta. Fórum á Víðastaðatún í Hafnarfirði og þar tók ég þessa mynd á símann minn. Algjört krútt þessi stelpa.

Að lokum vil ég skilja hér eftir link á video með Gillian Welch, en hún er ein af mínum uppáhalds söngkonum, þarna er með henni gítarleikarinn hennar, það má eiginlega segja að Gillian Welch sé dúett frekar en stök söngkona. Gitarleikarinn (/söngvari) heitir David Rawlings og er nettur snilli að mínu mati. Þetta video sýnir kannski ekki alveg rétta mynd af honum þannig, þið ættuð að heyra Revival plötuna, yndislegur gítarleikur... þetta er sko mússíkk!!!
http://www.youtube.com/watch?v=UezlcUkrXf8

Medalia

2006-07-18T10:43:00.000+02:00

Ég vann!!!
Heilræði dagsins: Ekki plata, því þá fer allt saman bara í rugl, og það er ekki gott!!!

Nik magnaður á live aid, heh he..
http://www.youtube.com/watch?v=ruQbS7S_xnQ

Stratocumulus

2006-07-14T23:42:00.000+02:00

Vitið þið hvað það þýðir??? Þetta er sem sagt fræðiheiti yfir óveðursský.
Æðislegt sumar!!!
Tjékkið á þessum link hérna... mögnuð síða.
http://www.chucknorrisfacts.com/
Vonandi kætir þetta ykkur.

Og svo er þetta náttúrulega algjör klassík.
http://www.youtube.com/watch?v=NJsGjPbKEGU

Alrighty. .. THENNNNNNAAAA!!!

Jamms.. og jæja

2006-07-11T02:33:00.000+02:00

Jæja.. þá er maður búinn að skipta öllu yfir úr Símanum í OgVodafone og allir.. hressir, netið farið að virka og alles.
Við Buffarar spiluðum 2 gigg á föstudagskvöldið, það fyrra í garðpartíi hjá Jóni Ásgeiri, ásamt Birni Jörundi og Helga Bjöss. Topprinn á því giggi var þegar Ragga Gísla kom og söng með okkur 2 gömul Grýlulög, það var mjög gaman. Eftir það gigg fórum við í veislusal í bænum og spiluðum í afmæli, það gigg var bara mjög skemmtilegt, hlógum alveg lygilega mikið af gríni hvors annars, svo mikið að við náðum vart andanum á tímabili.
Áttum að spila í brúðkaupi á laugardagskvöldið en því var "offað" samdægurs og vil ég senda þeim brúðhjónum allar mínar bestu heillaóskir. Það var reyndar bara fínt þar sem ég var sjálfur gestur í brúðkaupi þetta kvöld svo að það var bara gaman.
alrighty..

Dolly

2006-06-22T00:57:00.000+02:00

Ég elska Dolly,

Það er alltaf eitthvað við hana
http://www.youtube.com/watch?v=XvLIq6rDxtw

Svo er hún svo skemmtileg og alltaf til í grínið
http://www.youtube.com/watch?v=lF25dCxsPvs

Æji, hún er bara svo mikið æði..
http://www.youtube.com/watch?v=S8KmavjcmvY

6

2006-06-21T10:59:00.000+02:00

Spes: Var að kveikja á MSN forritinu mínu sem heitir reyndar ADIUM og varð mjög hvummsa yfir því að enginn væri "on-line" en áttaði mig þá á því að klukkan var bara kortér í 9. Það er svona þegar maður vaknar alltaf klukkan 6 á morgnana.
Lag dagsins er Acres Wild með Jethro Tull, skemmtilegt lag af Heavy Horses plötunni.
alrighty..
ble

Ian Anderson

2006-05-24T11:25:00.000+02:00

Mjög fyndið moment í gær þegar ég, Eysteinn, Ingimundur, Gummi Pé og Gulla konan hans, og Sverrir Stormsker vorum stödd baksviðs í Laugardalshöll til þess að hitta Ian Anderson. Við hittum kauða og gjörsamlega frusum og gátum ekkert sagt við manninn nema, "hi, thank you for the concert, it was great". Ian Anderson heilsar ekki ókunnugum með handabandi svo við nudduðum olnbogunum saman, sem var líka fínt, fyrir utan það að þá sá Sverrir Stormsker góða ástæðu til að segja Ian allt um olnbogameiðsl sem hann hlaut einu sinni og hvernig hann hefur alltaf verið hálf slæmur síðan. SPES!!! Á því augnabliki sáum við hinir ennþá betri ástæðu til að forða okkur, hefðum örugglega forðað okkur hvort sem er þar sem við vorum algjörlega "starstruck" og orðlausir. Fyndið að hitta bara allt í einu gæjan sem maður hefur elskað og dáð síðan maður var 12 ára. Magnað!!! En ég verð samt að segja að bæði biðin fyrir þessu stuttu kynni og sjálft augnablikið var ákaflega súrt. Samt gaman að fara á svona fína tónleika og upplifa svo súrasta augnablik í heimi. :)
Talandi um súrheit, hér er texti eftir kallinn af "A passion play" plötunni sem kom út árið 1973.

"And your little sisters immaculate virginity wings away on the bony
Shoulders of a young horse named george who stole surreptitiously
Into her geography revision.
(the examining body examined her body.)"

Buff að spila í Reiðhöllinni í kveld (ekki Heiðmörk, of kallt) allir að mæta.....ég meina allir sem eru að vinna hjá KB banka og er boðið að mæta MÆTA!!!
bæ

Hvað klikkaði???

2006-05-22T22:59:00.000+02:00

Já, hvað klikkaði eiginlega hjá okkur íslendingum í Eurovision? Við vorum með þetta!!! Sigurinn var okkar!!! En jæja ég er ánægður með að Finnarnir tóku þetta, reyndar alveg í skýjunum. Nú er málið að breyta þessari keppni í eitthvað skemmtilegt. Ef ég sé enn einn "tjokko" gæji í hvítum fötum með 5 dansandi yngismeyjar í kringum sig birtist í þessari keppni héðan í frá þá er mér og einni AK-47 byssu að mæta.
Mörgum finnst Silvía og co. hafa gengið of langt. Ég er ekki viss sjálfur. Síðastliðinn ár hafa fulltrúar okkar farið út verið kurteisir og brosað smeðjulegu eurosivion-brosi sínu og ekki hefur sést högg á vatni. EKKERT GERST!! Núna alla vega gerðist eitthvað. Svo náttúrulega má deila um það hvort að þetta hafi verið rétt aðferð. En þetta var auðvitað bara leikrit, og það þýðir ekkert að væla þó að leikritið fari ekki nákvæmlega eins og ÞÚ vilt. Svo kemur alltaf þetta, "maður verður samt að vera íslendingum til sóma". Til sóma??? Það hafa verið auglýstar kynlífsferðir til íslands er það okkur til sóma??? Magnað líka að eftir atburði síðustu ára, þá er ég að tala um olíusamráð, stuðning við stríð, baugsmálið, kárahnjúka, slæmt ástand á sjúkrahúsum og leiksskólum, þá þarf ekki meira en eina leikna týpu til að segja orðið "fuck" svo að fólk fari að hneykslast. Hafði haldið að öll lágkúran í þessu þjóðfélagi hefði kannski veitt okkur meira þol fyrir allskyns vitleysu.
Verð þó að segja að flutningurinn var nú ekki nógu góður hjá henni Silvíu. Kannski dæmi um þegar "actið" örmagnar flutninginn.
Það sem mér finnst reyndar best við þetta allt saman er að í alla vega þetta eina skiptið fóru við út án þess að vera að drukkna í einhverri minnimáttarkennd. Við erum alltaf svo mikið "usss, verum bara góð og prúð svo við fáum að vera með".... "nei segðu bara eitthvað nógu lítið og jákvætt svo við styggjum engan, við erum allt of lítil til að geta hagað okkur eins og við viljum". Æji, þetta er kannski einhver svona "rebbell" í mér. En ég vil bara að við íslendingar gerum það sem við viljum, alveg kominn með nóg af því að þurfa að haga okkur eftir einverjum gildum og siðareglum annarra.
Ég segi að við sendum bara Silvíu aftur næst. Gerum bara ALLT CRAZY!!!! HEHE!! :)
Mér finnst reyndar alveg hrikalega glatað að vera eitthvað ósáttur við að fá leikrit á svið sem segir "fokk jú" en púa svo alltaf þegar þú færð EKKI stig. Spes!!! Silvía var alla vega að leika dívu sem sýnir barnalega framkomu, svolítið annað en að vera bara barnalegur. En svo voru auðvitað margir sem föttuðu ekki að þetta væri leikið, sem er bara það sama og hér heima, mjög margir sem voru mjög lengi að kveikja.
En nóg um það.
Dóttir mín, yndislega, tók 5 skref í dag. VEIII!!! Gekk til pabba sína með bros út að eyrum. Alveg frábært. Hún er svo yndisleg að hún fær mig næstum því til að trúa á guð.
Fyrir þá sem ekki vita, þá er ég hættur að vinna dagvinnu, jamms hættur í búðinni, og er núna bara "fulltime" pabbadúllukall. Mikil breyting, margt sem ég þarf að læra og venjast, mun meiri vinna í rauninni en þúsund sinnum meiri umbun. Þó að kollegar mínir fyrrverandi í búðinni séu nú frábærir og skemmtilegir, þá er dóttir mín bara miklu skemmtilegri. :) Sorry guys!!
Kjellinginn bara farinn að vinna á fullu í rafvirkjastússinu og gengur bara voða vel og hún er að fíla það í botn.
Ætla á Ian Anderson á morgun og svo er ég að spila í Heiðmörk fyrir KB banka á miðvikudaginn. Ég er rosalega ánægður að vera búinn að fá hann Pétur minn aftur til landsins frá Akrópólishæð og hlakka mikið til að spila með þessu frábæra 5 manna "self-containing-unit-i" sem Buffið er.
En nóg af jákvæðnis-smeðju-kjaftæði, Fokk jú!!!

Tja, heyrðu mig...hva???

2006-04-19T01:07:00.000+02:00

Er ekki hægt að búa til mynd um íslenska samtímapopp/rokktónlist án þess að fá SJÓN til að vera með einhverjar meiningar???
Var að horfa á Gargandi Snilld í imbanum um daginn og þá þurfti að sjálfsögðu að rifja upp þau gífurlegu áhrif sem Einar Örn Benediktsson hefur haft á íslenska rokktónlist. Sá maður er ekki í miklu uppáhaldi hjá mér. Hann hefur alltaf náð að troða sér fram endalaust án þess að hafa snefil af hæfileikum. Við hvað vinnur þessi maður annars.. getur hann ekki bara haldið sig við það eða gerst plötugagnrýnandi eða eitthvað.

Jæja nóg af pirri. Nú fer dóttir mín að verða 1 árs og það er magnað, yndislegt, náttúrunnar dýrmætasta gjöf og stórfenglegt. Ætlum að halda krúttulega afmælisveislu með heimabökuðum kökum og ALLT!!! Þá verða sko læti, enda heill hellingar af börnum sem munu mæta-vonandi.

Jæja.. nóg í bili .. bæ bæ..

Stebbi er klummsa!!!

2006-04-06T21:15:00.000+02:00

Mikið er nú allt orðið öfugsnúið. Sagan er nú þannig að í Blaðinu um daginn var lítil grein sem bar yfirskriftina "Var Jesús í jakahlaupi" og fjallaði hún um vísindamenn frá Flórída sem halda því fram "að verið geti að spámaðurinn hafi í raun gengið á nokkurskonar ísfleka sem myndast hafi á Galíleuvatni á sínum tíma". "Möguleiki er að óvenjuleg skilyrði í vatninu ásamt snöggu kuldakasti geti útskýrt þessa frægu biblíusögu" . Doron Nof prófessor við ríkisháskólann í Flórída sagði: "Við erum aðeins að benda á þennan á að líkur séu á því að þetta fyrirbæri hafi verið til staðar á tímum Jesús. En hvort þetta útskýri söguna af því þegar hann á að hafa gengið á vatninu, það veit ég ekkert um" Svona var nú greinin í grófum dráttum en hún er nú ósköp ómerkileg að mörgu leiti enda ekki verið að fullyrða neitt né reynt að sanna nokkuð og fjallar finnst mér voða mikið og einhverjar "spekúlasjónir" erlendra fræðimanna! Það sem er aftur á móti alveg magnað eru viðbrögð tveggja kristinna manna er ég umgekkst í morgun. Ég var búinn að lesa hálfa grein þegar annar þeirra, maður A, sér fyrirsögnina og les fyrstu línur hennar og skellir þá uppúr og bendir manni B á þessa "fásinnu". Maður B skellir einnig uppúr og segir "ye, right, einmitt, sénsinn bensinn, glætan spætan, möguleikinn mínútusteikinn, eins og það væri bara allt í einu klaki undir vatninu sem enginn hefði séð". Sem sagt af tveimur kostum 1. Að það sé til undarleg og jafnvel mjög hæpinn en þó vísindalega rökstudd útskýring 2. Að maðurinn hafi náð að sigrast á þyngdaraflinu og eðlisfræðinni, þá getur ekki verið annað en að nr. 2 sé rétt. Spes!!!
En af hverju er þetta svona??? Jú, jú, trúin, hún flytur fjöll!
Nú eru ekki allir á eitt sáttir með að Júdasarguðspjallið skyldi finnast (er það með Y??? fundu... fynnast.. sheize). Júdas á víst ekki að hafa verið jafn "slæmur" og fólk vildi meina. GTI skrifaði: "Næst berast eflaust fréttir af því að María Mey hafi verið blökkukona og Pétur postuli tölvufræðingur". Miðað við hvað ótrúlegir og ólógískir hlutir gerast í sögum biblíunnar þá finnst mér það bara alls ekki ólíklegt.
En getur verið að trú og sagnfræði séu svolítið að örmagna hvort annað??? Að mínu mati eru þetta tveir ólíkir hlutir og þess vegna finnst mér glatað að það að trúa sé alltaf samofið einhverjum sögum og sjálfkrafa kröfu um að á þær skuli líta sem sannleik. Hins vegar finnst mér sagnfræði mjög skemmtileg, en er þó nokkuð meðvitaður um að það þarf ekki að vera að allt sé satt sem kemur þar fram.
Æji ég skal ekki tuða meir.. finnst bara svo mikil heimska í því að taka bók sem heilögum sannleik (í orðsins fyllstu) en hlægja hæðnislega af ÖLLUM öðrum möguleikum. Alveg glatað..
jæja..
bæ

Spes dagur

2006-04-05T23:43:00.000+02:00

Það er allt í einu ekki hægt að setja í ó ú o.s.fr. í "Title" dálkinn svo ég þarf alltaf að finna nöfn á bloggið sem hefur ekki að geyma neina íslenska stafi. Minnir mig á einhverja 10.000 orða skáldsögu sem ég sá um daginn þar sem aldrei kom stafurinn "E" fyrir. Magnað!
En ég er búinn að vera í fýlu meira og minna í dag. Ennþá að "farging" kálast í baki, öxlum og hálsi. Fór semmsé ekki til vinnu í dag né á giggið með bandinu. Alveg glatað!!! En hvernig er hægt að vera í fýlu þegar maður á svona yndislega og fallega dóttur. :)
Enda er ég orðin óvenju jákvæður undanfarið. Helstu rök fyrir þessari breytingu eru þau að ég var að horfa á endursýningu Spaugstofunar og í einu atriði fann ég örlítinn kipp í einum vöðva í andlitinu, sem ég kýs að kalla kinnvöðva, en ég mann ekki alveg hvoru megin það var.
Hrós fá Felix Bergsson og Guðrún Gunnars. Þau eru bara ansi góð saman í þessum 6-7 þáttum, bæði mjög svona eðlileg bara og voða fín. Guðrún Gunnars er reyndar að mínu mati ein af þessum manneskjum sem eru algjörlega fædd til að vinna við sjónvarp, enda með endenum indæl og skemmtileg manneskja.
Skjár Einn fær líka hrós fyrir að ætla að sýna okkur Woody Allen myndir á sunnudagskvöldum. Er Skjár Einn kannski bara besta stöðin??? Kannski ef þeir hentu slatta af góðum heimildarmyndum inn í dagskrána. Sirkus er aftur á móti mesta sorpsjónvarpsstöð í heiminum. En sniðugir að mörgu leiti engu að síður. Þeir eru algjörlega að höfða til hnakkana og það er markhópur eins og hver annar. NEI... fyrirgefiði það er ekki markhópur EINS OG HVER ANNAR ... EN markhópur engu að síður.
Having said that, þá er ég nú mesti "Raunveruleikaþátta"-fíkill sem ég þekki, en ég er allur að koma til, farinn aðeins að slaka á.
En á sirkus er svo mikið af þáttum með svona "búmm-tiss-búmm-tiss"-trommutaki undir allan tíman. Illa pródúserað drasl. Var nokkuð forvitin í gær þar sem kona var að elda Lasanja alveg frá grunni en það heyrðist voða lítið hvað hún sagði, bæði vegna þess að hljóðupptakan var léleg og þessi ágæti trommutaktur gekk undir allan F. tímann!!
Jæja.. nóg af tuði.
bæ bæ ... elska ykkur ÖLL!!!
Knúsi knús!!!

Axlir i klessu

2006-04-04T20:24:00.000+02:00

Ónýtar axlir:
Jamm ég var að skipta á dóttur minni í morgun og hreyfði mig eitthvað vitlaust og datt hreinlega í gólfið af sársauka í öxlinni sem leiddi niður á bak. Fór í vinnunna og sá að ég gat ekki gert rassgat enda alveg að farast í öxlunum, með hausverk og fastur í mjög einkennilegri stöðu. Svo nú er ég heima, litla prinsessan í pössun og konan mín úti. Er búinn að liggja í sófanum í allan dag að glápa á dimbi-rimbi-imbann svona af og til og hitakrem, hitapoki, Íbúfen og Voltaren Rapid eru einu vinir mínir.

Við Buff menn höfum verið ötulir við spilamennsku undanfarið, höfum farið út á land að spila og allt. Selfoss, Ólafsvík, Búðir, Eskifjörður og hvaðeina
Nú á að kjósa útvarpsstjörnu Íslands. Hvernig er það??!! Er ekki hægt að öðlast "career" lengur nema með því að fara í einhverja keppni??? Hvað varð um það að byrja bara frá grunni og vinna sig upp, vinna upp traust og vinna aðdáun fólks með því að stunda bara sitt starf og gera það vel. Það versta við þetta er að í þessum keppnum, þá sérstaklega Idolinu, koma upp missmiklir talentar sem hafa þó eitt sameiginlegt: Reynsluleysi. Það er nefnilega orðið svolitið þannig núna að reynsla er orðin einskis virði sem er mjög slæmt. Það er sérstaklega slæmt fyrir þann sem vinnur Idolið því þegar þættirnir eru búnir tekur hin svokallaði "bransi" við og án reynslu gerir maður ekki rassgat á þeim bæ.

Keypti mér KING KONG á DVD. Hafði ekki séð myndina. Það er alveg magnað með Peter Jackson, það er hvað hann á alveg ótrúlegt magn af filmu. Hann er greinilega bara endalausar birgðir af filmu til að taka upp á. Vá, sagan um King King tekur ca. hálftíma að lýsa í þaular en hann tekur alveg (að mér fannst) 4 klukkutíma. Þetta er kannski bara hans stíll.

Ég er orðin þreyttur á að kveikja á sjónvarpinu á kvöldin. Ekki af því að það er svo erfitt að ýta á takkan, nei, ekki út af því að það er orðið allt of mikið af yfirborðskenndum og innihaldslausum "djammlífs-þáttum", heldur vegna þess að í þeim öllum (þ.e. djammlífsþáttunum) er viðtal við vissan útvarpsmann. Ætla ekki að nefna neitt nafn en það er alveg magnað hversu oft þessi maður er fullur einhversstaðar á einhverjum uppákomum að blaðra eitthvað "useless" kjaftæði. Þessi gaur er víst eitthvað háttsettur á FM 95.7 og um daginn var viðtal við hann þar sem hann var að segja okkur hversu góð hljómsveitin Ampop er. Hann sagði eitthvað eins og; "já sko þegar fólk hringir inn til okkar þá bara segir það "vá er þessi hljómsveit virkilega íslensk", ótrúlega gott band". Nú veit ég að FM hafa nú ekki mikið verið að spila Ampop í gegnum tíðina. Hef meira að segja heyrt sögur þess efnis að þeir hafi neitað að spila þá og bara hunsað allar beiðnir þeirra sem hringt hafa inn. ÞAR TIL, að lag þeirra Ampop manna var valið besta lag síðasta árs af vefnotendum á Íslensku tónlistarverðlaununum. Eftir að það gerðist fóru þeir nú að spila svolítið meira með þessari ágætu hljómsveit og þá auðvitað birtist þessi gaur, vel kenndur í sjónvarpinu, þó hvergi banginn því að hann heldur að hann sé svo svakalega orðheppinn og vel máli farinn, og fer að segja okkur hversu frábær Ampop sé, bara eins og hann hafi hreinlega uppgötvað bandið og gert okkur þann góða greiða að kynna okkur fyrir henni. Man ekki hvað þetta kallast.... uhh.... uhh..... ehhh..... jú heyrðu nú man ég þaðd: HRÆSNI!!!!!

Skrifa ekki meir, kannski meira á morgun ef ég verð jafn hreyfihamlaður og í dag og kemst þ.a.l. ekki til vinnu.
verið sæl

Myndband

2006-03-31T22:39:00.000+02:00

hæ hæ ..
Ég mæli með því að þið fylgist vel með á Popptíví eða Skjá Einum (þ.e.a.s. þegar enginn dagskrá er á S1) því að þar mun örugglega verða sýnt nýja Buff-myndbandið. ÉG PASSAÐI ÞIG heitir lagið og myndbandið er einkar skemmtilegt.
Sá það fyrst í dag og hef haft mikið gaman af.

Annars vil ég bara segja.... EKKERT!!!

Vei!!

2006-02-19T05:35:00.000+02:00

Ég er í skýjunum yfir því að Silvía Nótt skildi vinna Söngvakeppni Ríkissjónvarpsins (sem það ætti að kallast á góðri Íslensku) vegna þess að þetta var langskemmtilegasta atriðið. Mér fannst líka svo frábært að sjá 3 bakraddir komast áfram þó að hver og ein af þeim sé hluti af minnihlutahóp; Sigga er lesbía, Gísli Magna er hommi og Pétur er rauðhærður.

Chicago - New York

2006-02-02T00:24:00.000+02:00

Er að horfa á þáttinn "Borgin mín", sem María, elskan mín, tók upp fyrir mig í gærkveldi. í þættinum er verið að kynna New York og þangað er ég einmitt að fara eftir ca. 3 daga, ekki þið!!! Ég reyndar byrja á því að fara til Chicago, sem er líka snilld, og spila þar á Þorrablóti Íslendingafélagsins í Chicago. Förum semsagt á morgun og fljúgum til Baltimore þar sem við tökum tengiflug til Chicago, förum svo frá Chicago til NYC á sunnudaginn og svo heim á mánudagskvöld. Jæja.. ég ætla ekki að hafa þetta meira í bili. bæ og megi ég eiga góða ferð!!

Bla!!

2006-01-26T00:53:00.000+02:00

Íslensku tónlistarverðlaunin eru í imbanum. Skrítið hvað sum orð eru allt í einu farin að fara í taugarnar á mér t.d.: tónlistarfólk,
tónverk (Kjartan sem tilkynnti Besta jazz lags verðlaunin er held ég lífsins ómögulegt að segja orðið “lag”). Það voru einhver fleiri, búinn að gleyma.
Annars er þetta bara alveg nokkuð fínt.
Guðmundur Jónsson óperufrömuður fékk rosalega skjallræðu Garðars Cortez, valin myndbrot frá sínum ferli , heilan karlakór á svið, fylgd forseta vors Ólafs Ragnars Grímssonar, standandi klapp áhorfenda og að sjálfsögðu heiðursverðlaunin. Hann fékk samt ekki hljóð á míkrafóninn þegar hann ávarpaði fólkið og söng fyrir það. Samt fékk Benni Hemm Hemm hljóð á sinn míkrafón, og það í BÆÐI skiptin sem hann talaði. Eins og ég sagði: réttlæti er ekki til.
En svona er nú tæknin, hún getur brugðist manni á ögurstundu.
Fyndið líka þegar þeir sem voru að gera það hvað best á síðasta ári eru tilnefndir “Bjartasta vonin” á Íslensku Tónlistarverðlaununum.
Svo verð ég að segja að þessi Benni Hemm Hemm er eitthvað drullumall. Hef reyndar ekki heyrt alla plötuna hans (kannski fyndist mér hún æði) en það sem ég hef heyrt finnst mér vera skítasorp, kúkadrasl sem fær mig næstum til að langa að borða minn eigin saur. Svo er hann með eitthvað svaka band, fullt af góðum hljóðfæraleikurum sem eru svona eins og eitthvað “entourage” í kringum lélega söngvarann að því að það er svo töff að snobba niður fyrir sig.
Æji, þetta er allavega sú tilfinning sem ég fæ, þetta er það sem hjarta mitt segir mér og það lýgur aldrei.
Emilíana fannst mér æði. Alltaf gaman þegar maður heyrir söngvara syngja á sviði og þeir syngja betur en á upptökunni. Fékk algera gæsahúð.
Verð að játa að ég er orðin svolítið leiður á þessu “og-verðlauninn-fær…-SIGUR-RÓS”-kjaftæði!! Líka orðin leiður á Bubba, það er eins og enginn í heiminum hafi þurft nokkurn tíman að mynda þykkan skráp nema hann.
“Maðurinn stígur á sviðið, þjakaður af þungri grímu hrokans sem nú er næstum farin og aðeins sólgleraugun standa eftir. Hann hefur lítið hjarta en þó kyrfilega brynvarið, sem nú loksins leyfir honum að vera frjáls í fyrsta sinn, frjáls frá óttanum við að vera auðmjúkur. Hann finnur frelsið, hann andar því að sér og finnur blómailm sem fær hann til að stama út úr sér hið fallega og óeigingjarna orð….… TAKK!!”
Svona væri hægt að sjá þetta fyrir sér í ævisögu Bubba nr. 2.
Annars fannst mér þetta allt saman æðislegt. Hefði reyndar viljað sjá Dr. Gunna grínið í sjónvarpinu. Leiðinlegt að hann skildi nú standa þarna í um 10 mínútur grafkjur og svo bara voru engar camerur á honum þegar hann loks hreyfði sig. RÚV er pró!!
Jæja.. ég ætla að reyna að kingja stolti mínu, minnka hrokann og þakka bara fyrir mig í bili.
bæ

Heima... lasinn... :(

2006-01-25T16:15:00.001+02:00

MMMMM!!! Magapest!!
Alveg glatað að vera með svona magapest og geta ekki borðað neitt. Búinn semsagt að vera að drepast í maganum svona af og til og fara á klósettið 23098034 sinnum. VEIII!!!
Svo eru rosalega mikið af hljóðum alltaf að koma úr maganum á mér. Stundum svona eins og þúsundir lítilla loftbólna séu að springa, stundum eins og það sé að marra í gömlu seglskipi, stundum eins og þegar kafbátur er kominn á of mikið dýpi og er um það bil að fara að falla saman vegna of mikils þrýstings og stundum kemur bara gamla góða garnagaulið.

Annars var ég að horfa tilnefningar til íslensku tónlistarverðlaunanna. Þar var verið að spyrja Dr. Gunna, Ragnheiði Grö., Trabant of.l. um hvað þeim fyndist um mp3 og dreifingu tónlistar um netið. Trabant menn voru einmitt að tala hvað það væri einkennilegt þegar fólk kæmi að þeim segði eitthvað eins og: “heyrðu, frábær nýja platan ykkar maður, vinur minn brenndi hana fyrir mig um daginn og… “. Dr. Gunni sagði eitt svolítið skondið: “ég hef alltaf hlustað bara á músík í lélegu græjunum mínum, þar eru svo enginn mp3 gæði en alveg nóg fyrir mig”! Svolítið spes setning í rauninni. Svolítið eins og að segja, “ég hef nú alltaf bara komist á milli a og b á Daihatsu-druslunni minni, ég meina, við erum ekkert að tala um neinn “reiðhjólahraða” en alveg nóg fyrir mig”!

Jæja, nú fer að styttast í að ég og Símon frændi förum til Chicago og New York í “tónleikaferðalag”, djók!! Erum reyndar að fara að spila e-u Þorrablóti í Chicago og millilendum í NYC þar sem við höfum tækifæri á að eyða 1 og hálfum degi ca.
Þetta verður eflaust ossa mikið stuð.

Þeir sem ekki trúa ferðasögunni minni geta lesið þetta:
http://www.xb.is/dagny/frettin.lasso?id=2586

Jæja.. nú held að ég þurfi bara að fara á klóið!!

Heima... lasinn... :(

2006-01-25T16:15:00.000+02:00

Ferðasaga Satans...

2006-01-23T19:34:00.000+02:00

21.01.06
Sælinú!
Sit hérna á Hóteli á Seyðisfirði og skrifa þessi orð. Ferðasagan er ca. þannig að við hittumst klukkan 11.00. á flugvellinum og flugum þaðan til Egilsstaða. Þar var náð í okkur og við flutttir yfir á Fjörð Seyðis. Þegar þangað var komið var tekið mjög vel á móti okkur. Við komumst fljótlega að því að við gætum ekki stillt upp græjum fyrr en 23.30, þ.e.a.s. rétt fyrir ball, vegna 2 klukkutíma skemmtidagskrá átti að vera á sviðinu. Þannig að við létum sýna okkur Hótelið sem gistum á. Voðalega kósý gamalt hús og í ca. 15 skrefa fjarlægð frá staðnum sem við spilum á. Besta er að við höfum hótelið algjörlega út af yfir okkur. Eftir að við höfðum hent af okkur töskum og öðru var farið í Shell-stöðina og fengið sér hamborgara. Má þess geta að stúlkurnar sem afgreittu okkur voru ekki eldri en 11 ára og hamborgarinn sem við fengum var sá versti í sögunni. En svona er þetta nú bara. Svo var rölt upp á hotel og spilað Trivial og Pétur vann, Hannes vann næstum því og ég var í þriðja. Bergur og Þorgils ráku lestina. Svo var farið upp á herbergi, tölvunördast, spjallað og hlustað á músík. Núna sit ég bara aleinn því allir hinir eru að leggja sig og bíð eftir því að Söngvakeppni Sjónvarpsins byrji því þá á ég að vekja þá. Ég á alltaf voðalega erfitt með að leggja mig svona bara einhversstaðar, næ bara ekkert að sofna nema ég sé heima í rúmi mínu, sófanum mínum eða um það bil að deyja áfengisdauða. Jæja, meira sienna.
Eitt innslag hérna: Er að horfa á Spaugstofuna og ég get svarið það að þetta er versta sjónvarpsefni sem gert hefur verið. Ég verð hreinlega þunglyndur á að horfa á þetta helvíti. Djöfullsins djöfull. Að það sé verið að eyða þvílíkum fúlgum í þetta djöfullsins drasl. Farið það í bölvað….
Sunnudagur22.01.06
Jæja haldiði að það sé nú stuð. Ballið gekk vel, allir í banastuði. Spiluðum til rúmlega 4. Fórum heim og spiluðum á gítar og spjölluðum og forum svo í háttinn. Vöknuðum í hádeginu og fengum egg og bacon, ossa fínt. Komunst þá að því að það væri ekki flogið heldur væri athugun með flug klukkan 2. Og hérna sitjum við í borðstofunni á hótelinu og klukkan er orðin 17:30 og nú eigum við að athuga með flug klukkan 19:15. Kannski komumst bara ekki til RVK í kvöld. Er mjög svangur núna. Bara búinn að borða smá popp og drekka Ginger Ale. Ekki get ég farið á Shell og fengið mér hamborgara því það er óætt. Vorum jafnvel að spá í að fara bara yfir á Egilsstaði til að geta fengið okkur eitthvað að éta og jafnvel bara bókað okkur á Hótel til að vera á yfir nóttina. Svona er nú þessi bransi “glámúrus”.

Jæja. Nú er klukkan orðin 19.20 og við höfum fengið þær fréttir að eftir 25 mínútur verður náð í okkur og við keyrðir yfir á Egilsstaði þar sem bíður okkar þota sem flýgur með okkur á Keflavíkurflugvöll. Þar verður svo önnur rúta sem keyrir okkur í bæinn. Svolítið vesen en við komumst alla vega heim til okkar. Ætla að knúsa Maríu og Vigdísi (sem verður reyndar örugglega sofnðu þegar ég kem heim) alveg ossalega mikið. ☺

Mánudagur 23.01.06
Jæja.. þetta var nú meiri heimferðin. Fórum semmsé til Egilsstaða og þar var ca. 200 manns mætt og allir voru tékkaðir inn meðan öllum var gert grein fyrir að vélinn færi ekkert í loftið fyrr en að verða 12. GREAT!! Við fórom þessvegna og fengum okkur eitthvað almennilegt að borða og fórum svo niðureftir um 11 leytið og þar vorum við skammaðir fyrir að hafa haldið okkur kyrrum fyrir á “hreina! svæðinu. Þ.e.a.s þar sem allir hinir þurftu að húka í næstum 4 klukktíma. Af hverju það var kallað “hreina” svæðið hefur held ég eitthvað með tollgæslu að gera þar sem heil vél frá Danmörku var að lenda rétt áður en við forum í loftið. En jæja.. svo var loksins farið í loftið og það var svolítið spes að vera að fljúga frá Egilsstöðum í Boeing 747 vél. En þá var ekki allt búið. Þegar við komum á Keflavíkurvöll biðu okkar 3 rútur þar. Öllum var smalað (bókstaflega) inn í rútu og fann ég samt allnokkurn fnyk af skipulagsleysi. Sérstaklega þegar allt í einu var komið inn í rútunna sem ég og Pétur höfðum fokið inní og sagt að þessi rúta færir ekki til Reykjavíkur. Ég, Pétur og fleiri fórum því í næstu rútu og eftir að var búið að skipta farangri niður á rútur var loksins haldið af stað. Ég svaf mest alla ferðina í bæinn og vaknaði þegar komið var að RVK-flugvelli. Eftir að hafa tekið hljómborðið o.fl úr snjóskafli var farið í bílinn hans Gilsa og hann skutlaði öllum heim. Vorum allir orðnir nokkuð lúnir og Bergur var búinn að vera lasinn alla ferðina. Svo var svolítið magnað að keyra framhjá ca. 30 manns sem voru búnir að mynda leigubílaröð. Það var nú búið að spyrja fólk hverjir þyrftu leigubíl, en þessir kjánar gátu ekki einu sinni séð til þess að hafa leigubíla reiðubúna. Þannig að eftir allt þetta rugl þurfti fólk að standa þarna í hríðinni og bíða. Æðislegt.
Og svo til að toppa þetta allt saman, þá er ég lasinn, með beinverki og hausverk, og eina sem er í imbanum mínum er Kangaroo Jack, og það í læstri dagskrá, en hljóðið er eðlilegt. Kangaroo Jack endar actually á “hey… hey baby.. I wanna knoooowww.. if you´ll be my girl…”! Kræst.
Og nú er enn eitt brúðumyndbandið í sjónvarpinu. Þessar underground hljómsveitir geta bara hreinlega ekki gert myndbönd nema að það sé gert með brúðum eða teiknuðum fígúrum.
Sorry, þið verðið að fyrirgefa, ég er bara ekki í mjög góðu skapi núna.
En ég skal lofa að næsta ferðasaga verður skemmtilegri því hún mun fjalla um Chicago og New York. alrighty..
bæ

Gubb og gaman....

2006-01-20T02:39:00.000+02:00

Eða hafði Charlotte kannski rétt fyrir sér...

Æji ohhh ... alveg týpískt .. keypti svona adsl wireless router og voða gaman. Strákurinn í búðinni sagði að ég ætti að geta sett þetta upp bara sjálfur.. "góða leiðbeiningar og solleis.."
en nei nei ..aulinn ég að halda virkilega að ég gæti þetta.. damn. Verð alltaf svo rosalega "fústreðaður" þegar svona gengur ekki upp. En hann sagði að þeir gætu gert þetta fyrir mig
ef ég lenti í vandræðum og mikið rosalega skulu þeir fá að gera það. Svona er nú lífið... -eða hafði Charlotte kannski rétt fyrir sér-.. alltaf langað að sitja einn heima í náttfötunum, fyrir framan "apple-laptopinn" og skrifa þetta.

Jæja Vigdís Klara litla er alltaf að stækka og alltaf langar mig meira og meira að bíta í hana og kreista hana... en það má ekki... :( !! Nú er hún farinn að sitja sjálf á leikteppinu og farinn að gera sig mjög líklega til að fara að skríða. Voða voða gaman. Gaf henni að borða fyrr í kvöld og svo núna seinna í kvöld gaf ég henni pela og hún drakk ca. hálfann. Eftir það reysti hún sig upp og gubbaði yfir pabba sinn. Ég er ekki að tala um svona venjulegt ungbarnagubb NEI... ég er að tala heimsmet í ungbarnagubbi innanhús án atrennu. VÁAAAAAÁ... Enda sat ég bara í nokkrar sekúndur og horfði á pollinn sem þakti bolinn og buxurnar mínar og gapti. Þetta var alveg svakalegt.. ég vissi ekki hvort ég ætti að verða hræddur eða stoltur. En ég vona að hún sé nú ekki að fá einhverja pest, vona að þetta hafi nú bara verið svona "one-off". Annars er var hún bara í stuði eftir þetta brosti bara og var í fíling. Hún er eiginlega bara alltaf í miklu stuði, frussar mikið þegar hún er í góðum fíling og svona.

Var svo tæknipirraður áðan að ég held ég bara setji bara Attenborough í tækið. Reyni að gleyma þessum "raunum" mínum og leyfi David að úskýra fyrir mér af hverju þessi risavöxnu tré i Nýju-Gíneu er svona stórskostleg.

Við Buff menn erum að fara að spila á Firði Seyðis.. af hverju segir maður alltaf á Seyðisfirði - á Grundarfirði - en í Hafnarfirði.. spes. Jæja .. það verður örugglega alveg ÆÐI .. já ÆÐI... ÆÐI ÆÐI ÆÐI ÆÐI.

Sex Inspectors eru magnaðir þættir. Það er hægt að læra held ég alveg rosalega mikið af þeim. Núna er t.d. verið að kenna karlmanni að seinka sáðláti, mjög athyglisvert.

Las eitt svolítið fyndið um meiðyrði í dag. Árið 1934 var Þórbergur Þórðarson ákærður fyrir meiðyrði og dæmdur af Hæstarétti til að borga 200 króna sekt. Þessi meiðyrði voru í garð þáverandi kanslara þýskalands. Þessi kanslari náði nú aldeilis að skrá sig á spjöld sögunnar en það var enginn annar en Adolf Hitler. Svolítið flott saga sem kannski varpar örlítið nýju og fersku ljósi á umræður síðustu daga. En ég verð að segja að hann Jón í Tónabúðinni er með langviturlegustu þankana um þetta allt saman.
http://jonkjartan.blogspot.com/2006/01/galdrabrennur.html

María er að dansa fyrir mig einkadans... en ég ætla samt að klára.

Það er alltaf gaman af svona djöfull-lét-góði-kallinn-vonda-kallinn-hafa-það-óþvegið-atriðum í bíómyndum (og ballettum... djók). Samt man ég ekkert eftir rosalega mörgum í augnablikinu. En það var eitt svolítið töff atriði í Life of David Gale, þegar hann er í viðtalinu. Svo auðvitað þegar Mace Windu hjó hausinn af Jango Fett í Attack of the clones. Svo auðvitað var æðislegt þegar Mel Gibson öskraði "FREEEEEDOOOOOMMMMHHHGGRRRHHH"! Mér fannst það alla vega æði en ég held að það eldist svolítið illa. Núna finnst mér það atriði eiginlega bara glatað. Talandi um Freedom; lag dagsins er einmitt Freedom með Wham, Við í Buff lærðum lagið en höfum ekki oft spilað það vegna þessa að það er aðeins of hátt fyrir mína rödd og Pétur er ekki með alveg allar fraseringar á hreinu þar sem hann var held ég aldrei Wham-fan eins og ég. það er reyndar svolítið skondin saga, málið var að ég og Pétur (ekki Örn) vinur minn þegar ég var ca. 9-10 ára vorum Wham-aðdáendur. Við höfðum ekki heyrt neitt mjög mikið með Wham en á þessum tíma var það algjörlega "krúsjal" að taka afstöðu milli Duran og Wham svo við stukkum bara á annað hvort. En svo breyttist þetta skyndilega! Við vorum nefnilega að ræða við stelpu sem við vorum báðir bálskotnir í um hvort hún fílaði ekki Wham en hún sagði "wham?? nei.. oj.. ég fíla Duran". Við ræddum þetta ekki neitt heldur var bara steinþögult samþykki okkar á milli að nú skildum við hætta að halda upp á Wham og halda nú upp á Duran og það var gert.
Talandi um þegar ég var 9 ára. Ég held að ég hafi einmitt lært að hjóla um það leiti, eða jafnvel seinna. Málið var að mamma var alltaf að reyna að láta mig hjóla án hjálpardekkja en ekkert gekk þar sem ég var óöruggur og alltaf svo fljótur að gefast upp. -Ég var einmitt að rifja þetta upp meðan ég sat á klósettinu í dag og var að gera númer 17-. Nema hvað að einn daginn var ég að labba í kringum blokkina mína á Breiðvangi í norðurbæ Hafnarfjarðar þegar ég rekst á hjól sem kunningi minn átti. Hjólið lá þarna bara yfirgefið og ég bara ákvað að taka það upp og setjast á það og hjóla. Og svo bara hjólaði ég af stað. Þannig lærði ég að hjóla.
En ég lærði aldrei á skíði. Mamma var líka að reyna að kenna mér á skíði þangað til ég klessti á stofuglugga og þá hætti hún.

Verð að tjá mig um eitt hérna: Sagan er þannig: Lagið "Einhversstaðar, einhverntíman aftur" eftir Magnús Eiríksson var í útvarpinu (á FM) um daginn í flutningi Nylon-flokksins. Þegar lagið er að enda kemur "dagskrárgerðarmaðurinn" og segir "já, rosalega flott lag hjá þeim stelpunum í Nylon" ARRGGHHH!! Þoli ekki þegar verið er að hálfpartinn eigna fólki eitthvað svona. Þarna var allt í eina þetta stórgóða lag hans Magga Eiríks orðið "lag hjá þeim stelpunum í Nylon". Af hverju gat hann ekki sagt "já flott hjá þeim stelpunum að taka þetta gamla góða Magga Eiríks-lag" Nei, heyrðu... unga fólkið sem hlustar á FM vill ekki heyra minnst á neitt gamalt því þá missir það lyst á pizzunum sem "þulurinn" ætlar að gefa eftir næsta lag.

jæja.. bæ bæ

Alrighty.... thennnnnnnaaaaaa!!!!

2006-01-13T16:29:00.000+02:00

Jæja þá bloggar maður loksins.
Jólin voru bara asskoti fín, borðað mikið og blablabla...
Fékk DVD disk í jólagjöf: David Attenborough, Attenborough in paradise, mjög skemmtilegt, enda mikill Attenborough aðdáandi.

Lærði eitt svolítið gott trikk, ef maður ætlar að strengja áramótaheit þá er alltaf best að strengja bara nokkuð góðan slatta af þeim, þá eru meiri líkur á að maður efni eitthvað af þeim. Ég nefnilega rannsakaði þetta mál í um 12 sekúndur og komst að því að það eru á milli 8-12% líkur á að áramótiheit sé efnt. Þannig að ef við miðum við um 10% líkur þá eru auðvitað strax orðnar um 50% líkur ef maður strengir 5, eins og ég gerði.

Keypti mér Powerbook 15" tölvu og hún er æði!!

Jæja nóg af jákvæðnisleiðindum.

Eitt sem mér finnst mjög sjokkerandi: Forsíðan í DV. Ekki forsíðan þar sem birt var mynd af meintum nauðgara heldur forsíðan í dag 11/1 2006. Forsíðufréttin var eitthvað eins og: "Fótalaus eftir eitrun úr ruslagámi". Alveg glatað blað, kunna ekki alveg að mjólka nýjustu atburði. Af hverju var ekki forsíðan: "Nauðgari fyrirfer sér eftir að hafa séð forsíðu DV"?? Eða jafnvel "Fyrirfór sér, margir telja DV eiga sök". Svona gæti ég lengi haldið áfram og ekki er ég nú blaðamaður. En þessir amatörar vita greinilega ekki hvenær á að grípa gæsina. Ég meina "come on", þetta hefði verið frétt ársins en þeir klúðruðu þessu.

Ætla að horfa á Extras og halda svo áfram.

Jæja þá er þátturinn búinn, mæli með þeim.

Jamm og jæja.. hvað fleira..

Já, einmitt.. varðandi gátuna... (eða dulmálið eins og sumir vilja kalla það) þá held ég nú örugglega að það séu ýmsar útgáfur af gátum.. en ég skal vanda mig betur næst í orðavali mínu. En djöfull væri nú leiðinlegt að vera svona dulmálsséni en að hafa þann akkilesarhæl að ef einhver segði orðið gáta þá virkaði á þig eins og kryptonite virkaði á súpermann. Maður væri svona Beautiful Mind gæji en það eina sem óvinurinn þyrfti að gera til að maður næði ekki að ráðai kóðan væri að skrifa "GÁTA" fyrir ofan.

Af hverju er fólk alltaf að pæla í hvort raunveruleikaþættir séu raunverulegir eða ekki af hverju ekki bara horfa á svona eins og einn þátt og ákveða hvort hann er skemmtilegur eða ekki.
Svolítið eins og þegar ég var með gesti heima og leyfði þeim að heyra æðislegt lag.. sagði þeim reyndar fyrst að þetta væri kántrýlag...
.... úúúpppsss... hefði ekki átt að gera það því það hlustaði enginn almennilega á lagið heldur lögðu höfuð sitt í bleyti og sjálft sig undir feld til að gera upp við sig hvort þetta væri nú örugglega kántrýlag eða ekki.
Það vill nú svo til að ég horfa á slatta af raunveruleikaþáttum og mér er alveg skítsama hvort þetta sé eitthvað pródúserað eða ekki. Þetta er gott dæmi um svona slæmt en sjálfskapað stigma. Svona svipað og Reggae On Ice-, Sixties-syndromið. Sem er þegar mönnum verður á þau mistök að skýra hljómsveitina þannig nafni að það eina sem fólk getur gert er að velta fyrir sér hvort að tónlistartegundin, sem spiluð er akkurat þá mínútuna, "match-i" nú ekki alveg örugglega við það sem nafnið gefur í skyn að eigi að vera að spila.

Réttlæti:
Einhvern tímann las ég: "Ef það væri eitthvað réttlæti til þá væri Elvis á lífi og eftirhermurnar dauðar" - Snilld.
Kannski er einmitt réttlæti ekki til.. ef svo væri þá hefði Yoko Ono orðið kærasta einhvers úr Status Quo.
Ef réttlæti guðs væri til þá væri MAUS instrumental hljómsveit.
Ef réttlæti væri til væri Eric Izzard ekki haldin "dyslexiu" en aftur á móti væri Mikael Torfason það.

jæja nóg af bulli..

Illskyljanlega orð/orðsamband dagsins er: Sannleikur.... alveg hættur að botna í því hvað það orð þýðir.
En eitt veit ég þó að ekkert af því sem ég skrifa hér er sannleikur vegna þess að ég gef hvorki upp fullt nafn né er með ljósmynd.
takk fyrir og góða nótt...

Gátan gamla góða

2005-12-17T15:46:00.000+02:00

Sat hel frá Unu
Ögrun Grunn
Án ólgar ung
Ísis logn.

SaT hEl FrÁ uNu
ÖgRuN
GrUnN áN óLgAr UnG íSiS lOgN.

smá hint.

Hæ aftur

2005-11-23T15:32:00.000+02:00

Búið að vera crazy að gera... eiginilega aðeins of mikið .. ÞVL í síðustu viku nema á fimmtudaginn var frí en þá fórum við á Laugarvatn að spila í söngkeppni og svo aftur á föstudagskv. því þá var ball hjá þeim krökkum á laugarvatni og svo teknir upp 2 þættir á laugardag og svo spilerí um kvöldið klukkan 10 - 1 og svo auðvitað 2 þættir næsta dag o.s.frv. þar til í dag.. alveg frí frá vínnu í dag.. sem er gott. En svo byrjar geðveikinn aftur á morgun.. 3 þættir teknir upp .. á föstudag verður flogið á Egilstaði og á laugardaginn hoppað beint úr vélinni í upptökur á ÞVL... hehe.. gaman. En svona er að vera fræg rokkstjarna með milljónir aðdáenda.
Merkilegt með þetta Idol.. "þú söngst alls ekki vel.. eiginlega bara mjög illa... EN þú lítur alveg rosalega vel út.. þú ert rosa flott/ur"!!! Hvað er verið að meina? Persónulega finnst mér nú að ef einhver syngur mjög illa í keppninni þá ætti hann að vera svona ca. Game over að hálfu dómnefndarinnar. Ég meina maður kemst ekkert á næsta borð ef maður er hundlélegur.. en samt kemur alltaf þetta .. "en það verður að segjast að þú ert alveg stórglæsileg/ur... og hefur mikinn kynþokka" *PING*!! Það nefnilega er alveg ótrúlega fyndið hvað það er eitthvað "vætal" að fólk sé "kjút" og "sexy" þegar það kemur að söng, sem er kannski ofureðlilegur hlutur. En þegar þessi Viktor steig á svið og söng vægast sagt hörmulega. Hörmulega þá meina ég: falskur, náði ekki að skipta nógu hratt á milli nótna í smekklausu slaufunum sem hann bætti í lagið, með þumbalegan tónblæ í röddinni o.fl. Samt var honum hrósað.. jú fyrir það hvað hann væri sætur. Hann var meira að segja svo hrikalega sætur að Einar Bárðar sagði bara að hann gæti bara "meikað karrer off hiss ón" í tónlistinni. Magnað!!
Svo er að koma upp heil kynslóð núna af söngvurum sem heldur að til þess að vera góður söngvari þurfi bara tvö "ingredient": Radd-stera og Auto-tune. Ég get svo svarið það!!

667 the Neighbour of the beast!!! He he... fyndið!!

Ábreiður

2005-11-01T15:32:00.000+02:00

Það er eins og meirihluti þess sem gefið er út af músík á þessu skeri sé bara endalaust "cover"-dót. Var að hlusta á Rás 2 áðan. Þar var Beggi úr Sól Drögg að syngja "It must be love"-Madness, Regína Ósk að syngja "Only you" sem er æðislegt lag... í flutningi Yazoo, Heitar Lummur með "Vertu ekki að plata mig"-HLH, Helgi Bjöss með "Gamli góði vinur"-Magnús Eiríks o.s.frv. Og allt er þetta fólk að gefa hljómplötur uppfullar af gömlum lögum. Svo erum við í Buff að gefa út plötu með fullt af nýju frumsömdu efni. Kannski erum við bara ekki með á nótunum, eða bara hið gagnstæða. Kannski erum við einmitt með á nótunum og með nóturnar og helling af þeim raðað saman af okkur sjálfum.
Ég er ekkert að pirrast neitt, mér finnst þetta bara svo einkennilegt. Er ekki hægt að semja lög lengur, eru kannski allir ungu lagahöfundar bara of lélegir og allir þessir gömlu góðu bara útbrunnir.
Ég reyndar tók svolítið þátt í þessu fyrir einhverjum árum og gaf út með bandi heila plötu uppfulla af cover-dóti. Það var líka út af því að ónefndur "umboðsmaður" latti okkur eins og hann ætti lífið að leysa. Hann sagði að það væri fávitaskapur að reyna að "meika" það með eigin efni, yrði að vera e-ð sem fólk þekkti þá þegar. Svo að við fórum að hans ráðum og gerðum lélega plötu. Hefði nú verið skemmtilegra sérstaklega svona eftir á ef við hefðum bara drullast til að gera eitthvað "orginal".
Þannig að ég er bara stoltur af því að við séum að fara að gefa út frumsamda plötu.

Blokkflauta

2005-10-30T18:41:00.001+02:00

Hæ hæ!
Var að tala við Pétur Örn áðan. Hann var að segja mér frá eilitlu skondnu sem hann heyrði í úppartinu áðan. Þar var Óli Palli að ræða um nýju McCartney plötuna og spilaði viðtal við goðið þar sem hann útskýrir ca.: "the producer wanted me to do something different, like playing the recorder like I did with the Beatles in Fool on the hill...." Óli Palli kemur svo inn og þýðir þetta: "Já upptökustjórinn vildi að Paul gerði eitthvað öðruvísi í þetta skipti eins og til dæmis á nota upptökutækið sem hann notaði í Fool on the hill". Þetta er held ég mjög skiljanlegur og eflaust algengur misskilngur. Recorder í þetta skiptið nefnilega þýðir blokkflauta. Recorder er held ég ekki heldur notað mjög oft yfir upptökutæki, oftast eitthvað eins og tape machine, eða multi-track etc. Það er jú stundum notað eins og t.d. Digital recorder (stafræn blokkflauta?? hehe) eða Tape recorder Ástæðan fyrir því að ég veit þetta er að ég var alltaf eitthvað að nördast þegar ég var yngri, skoðaði plötu umslög bak og fyrir og stúderaði "kredit"-listana af áfergju. Ég meira að segja lenti í nettri rökræðu við ensku kennarann minn í Flensborg, hann þekkti ekki þessa þýðingu orðsins. En svona verður misskilningur til: "Bíddu æj æj.. komstu með upptökutækið?? ég var að biðja þig um að koma með blokkflautuna þína!!"
En svona er þetta nú skemmtilegt.
Gleðifréttir: Það var lagið er tilnefnt til Edduverðlauna sem besti skemmtiþáttur. Ætli manni verðið boðið og geti mætt og verið rosalega "important"??
Er núna einn heima að bíða eftir því að vera kallaður í stúdíó. Rosalega skrítið að vera allt í einu bara einn heima. Ég varð bara einmanna á mettíma.

Illskiljanlega orð/orðsamband dagsins er: "Fyrnun aflaheimilda"
Kannski veit maður hvað það er einhvern tíman í framtíðinni þegar maður verður orðinn fullorðinn. Orðinn fullorðinn... fullorðinn=orðinn fullur...?? spes..

Blokkflauta

2005-10-30T18:41:00.000+02:00

Krúttustelpa

2005-10-28T03:08:00.000+02:00

Þetta er fallegasta barn í heimi!! Hún gerir alveg eins og ég með fótunum þegar hún er að sofna. Snýr svona fótunum í hringi, en ekki alveg samtaka, svona hálfgerð marvaða hreyfing. Alveg magnað.

Pistill satans!!!

2005-10-28T00:28:00.000+02:00

Ég vil þakka Jóni fyrir frábært “comment”. Það er alltaf gaman að lesa skrif frá Jóni enda með gáfuðustu mönnum. Hann er líka réttlátur og lætur ekki tilfinningar hlaupa með sig í gönur, sem er eitthvað sem ég mætti alveg temja mér. Ég held að ef Jón hefði meiri völd þá væri örugglega margt betra og það meina ég.

Ætla aðeins að fá að koma með smá punkta

Það er rétt að auðvitað þarf að vernda upplýsingar varðandi laun fólks og hver sem vill á ekkert að fá að gramsa í þeim. En svo er reyndar spurning þar sem skatturinn fær skýrslu frá mér á hverju ári, og getur með því móti fylgst eilítið með því hvort ég er að gera einhvern óskunda og hvort ég skuldi í skatt o.s.frv., væri það nokkuð eins og að míga á leiði að reyna að koma á fót einhverju kerfi til að gæta þess að svona mismunun í launum milli kynja eigi sér ekki stað?? Bara pæling! Auðvitað er fólk misgóðir starfsmenn og að sjálfsögðu ber að borga þeim eftir því, en það er líka fullt af hreinlega óþarfa óréttlæti sem á sér stað. Það ber að uppræta, það er eflaust ákaflega vandasamt verk, því get ég trúað. Persónulega hef ég ekki lausn á því enda var ég ekki kosin í ríkisstjórn, og mun aldrei verða, enda kann ég bara á píanó og veit ekki einu sinni hvað “verðbólga” er í raun og veru. Hins vegar verð ég að segja að ég er farinn að hallast að því að koma þessu “Duglegustu fá mest borgað”-kerfi inn í músík bransann. Það er að segja ef ég er með píanóið að trúbba með Ingvari þá fái hann borgað spes fyrir lagið sem hann spilaði einn meðan ég fór á klósettið og þar sem ég “compa” hljóma með hægri hendinni, spila bassan með þerri vinstri og syng þá fái ég 3 hluta en hann bara 2 þar sem hann “strummar” á gítar og syngur. En þetta er nú bara djók pæling.

Fordómar gagnvart sjálfstæðismönnum?? Ég held kannski að ég sé svolítið harður og, jú, fordómafullur gagnvart þeim. Ég er líka með svaka fordóma gagnvart mönnum á jeppum, og fólki sem á óstýriláta hunda. Kannski er þetta bara einhver hroki og gremja, jafnvel brundstíflugremja! Eitt finnst mér glatað: Þegar sjálfstæðismenn sem er algjörir vitleysingar og hafa margoft sýnt það og sannað er bara álitnir svona skondnar súkkulaðikleinur af þeim sem styðja flokkinn. Einhvern tíman þegar ég minntist á hvað mér finnst Pétur Blöndal vera mikil hálfviti þá kom bara “já.. æji það er ekkert að marka hann”. En auðvitað er stjórnmálaflokkur skipaður af misjöfnum karakterum og ekki hægt að dæma öll eplin ónýt þó eitt sé það, en maður hefur vissulega mun minni lyst á þeim. Held samt að þetta sé nú meira í nefinu á mér en annað.

Hvað varðar að konur eigi að hafa metnað í að komast í stjórnunarstöður þá tel ég þann metnað vera algjörlega til staðar og ótrulega mikið hefur breyst á bara síðustu 50 árum. En það eru ekkert allar konur að sækjast eftir því að vera “boss”. Flestar konur sem eru á vinnumarkaðnum hafa góðan metnað bara í því sem þær eru að gera og karlmenn líka. Þær eiga ekki að þurfa samt að hafa einhvern metnað til að sækjast eftir stjórnunarstöðu til að fá jafn há laun og karlmenn. Ingvar sagði: “Í þeim fyrirtækjum sem konur eru í stjórnunarstöðum er yfirleitt minna, eða jafnvel ekkert, talað um launamun karla og kvenna. Sjá til dæmis álverið hennar Rannveigar Rist.Konur virðast nefnilega eiga auðveldara með að biðja aðrar konur um launahækkun, og jafnvel að yfirkonurnar taki betur í kröfur undirkvennanna á móti.Því er þessi fullyrðing ónefndu sjálfstæðiskonunnar, sem minnst er á í bloggfærslunni, fyllilega í takt við raunveruleikann. “ Þetta finnst mér svolítið einkennilegt. Þarna setur hann upp þær forsendur að konur sem vinna hjá fyrirtækinu og eru á lægri launum eigi bara möguleika á að stemma stigu við laun karlmanna í sama fyrirtæki ef það er kona við stjórnvölinn. Erum við þá búinn að gefast upp á að karlkyns stjórnendur geti veitt þeim það sem þeim ber?? Ef svo er þá er auðveldlega hægt að álykta að fullyrðing ónefndu konunnar sé einmitt röng, þar sem konur eiga aldrei eftir að verða í öllum stjórnunarstöðum (enda væri það ekki það sem verið er að sækjast eftir) og þar af leiðandi minni líkur á því að þessi ágæta launahækkun eigi sér stað. Svo að þarna finnst mér Ingvar vera að tala út um rassgatið á sér.

Held nú ekki að þetta hafi verið Elín Hirst. Ég heyrði þetta í “úpartinu” og mér heyrðist þetta vera konan sem sá um spurningaþáttinn “Þetta var helst...”, þessi sem geibblaði alltaf munninn voða mikið. Annars vil ég benda á að “burt séð frá kyni”-frasinn á finnst mér ekki við í þessari umræðu þar sem við erum einmitt að kljást við vanda sem gæti kallast “Séð frá kyni”. Þessi mjög greinilegi launamunur er nefnilega á milli kynja. Ég er þó ekki að segja að það eigi að taka inn konu í annaðhvert starf í stað fyrir aðra harðduglega karlmenn. Ég bara að segja að þær eigi að fá jafnhá laun fyrir sömu vinnu. Svo geta menn alveg verið ósammála um hvort þetta launamisrétti eigi sér stað. Ingvar er til dæmis á því að þetta sé allt saman bara samsæri. En það er önnur Ella og annar Alli.

Hvað góðærið varðar þá verð ég að segja að forgangsröðun þessara ágætu lífsgæða er ákaflega misskipt. Meðaljóninn getur nú vel við unað það er alveg rétt, en við vitum betur um hina verst settu til að geta bara brosað endalaust. Hvað þennan gríðarlega launamun varðar þá er ég feginn að Jón er sammála. Margir telja að ef einn græðir þá græða allir þeir sem eru undir honum. Það er örugglega mikið til í því ég á svo erfitt með að vera alveg fullkomlega sammála þessu. Þeir sem eru hæfastir (af hvaða ástæðu sem það er) geta, jú, gripið langflest eggin úr körfunni en að þeir deili þeim bróðurlega á milli hinna er eitthvað sem mér finnst vera minna um. Að sjálfsögðu á ekki að letja fólk með því að taka af þeim of mikið af þeim peningum sem þau hafa unnið hörðum höndum fyrir. En það er svo skrítið með hægrisinnaða einstaklinga sem ég heyrt tala um þetta að þeir fara alltaf að æpa “kommúnisti, kommúnisti” um leið nefnt hvort hægt sé að búa svo um hnútana að hluti af þessum gríðarlega gróða geti einhvern veginn bætt hag hinna sem koma verst út. Þetta er svona eins og ef ég myndi spyrja “heyrðu áttu nokkuð eitthvað eilítið ætilegt, brauðsneið eða eitthvað, ég er alveg hrikalega svangur” þá yrði svarið: “Nú jæja.. vilt ekki bara taka allt sem ég á!! Viltu ekki bara eiga ísskápinn minn líka.. og konuna mína??”. Svo koma þeir líka alltaf með frasann: “Eiga ekki bara allir að vera með sömu lágu launin?? Viltu það??” Ég meina kommon.. það var enginn að tala um það!! Svo finnst mér óþolandi þegar ónefndir aðilar kalla mann kommúnista og það meira að segja áður en ég byrjaði að koma með einhverjar yfirlýsingar varðandi þessi málefni. Það er kannski þess vegna sem maður notar ljót orð um sjálfstæðismenn, vegna þess að orðið “kommúnisti” er oftast notað sem ljótt orð, eitthvað þarf maður að gera til að stemma þetta af.

Slagkraftur er aftur á móti fallegt orð, takk fyrir það, Jón. Jú þessi slagkraftur er í raun vopnið sem er verið að nota. Mér finnst ótrúlega magnað að sjá skrif hans Ingvars þar sem hann segir: “Ég held að það væri gott start í jafnréttisbaráttu kvenna ef þær drulluðust til að vinna í allan dag en ekki labba út klukkan tvö. Það gæti mögulega verið ein af ástæðunum fyrir meintum launamun að konur labba bara út þegar þeim sýnist”. Ég held reyndar nokkuð örugglega að hann hafi verið að djóka, líkt og þegar ég skrifaði að allar konur væru heimskar. Það er oft gaman af varpa svona bombum og fylgjast með viðbrögðum fólks. En burtséð frá því þá held ég að þetta sé hugunarháttur sem loðir við allt of marga. Kennarastarfið er vissulega göfugt og gífurlega mikilvægt starf, sérstaklega þar sem uppeldi barna okkar er oft að stórum hluta í höndum kennaranna. Ég myndi telja mun frekar að stjórnendur þessa lands séu að “gambla” með framtíð þessara barna og unglinga með því að borga kennurum skammarlega lág laun. Verkföllinn eru beinlínis til þess gerð að varpa ljósi á þá staðreynd!! Kennarar að mínu mati þurfa þó alltaf að hafa einhverja “passion” fyrir sínu starfi en það nær bara svo og svo langt.

Já já, fjölskyldumynstrið hefur svo sannarlega breyst og hugtakið “fjölskylda” sem notað var um örugglega 20 manna hóp hér áður fyrir þýðir bara ca. 4-6 manneskjur í dag. Svo held ég líka að einstaklingshyggjan hafi breytt þessu rosalega mikið. Fólk í dag virðist vera betur í stakk búið til að standa meira á sínum eigin fótum og er ekki eins nauðugt til að styðja sig við aðra í kringum sig. En það er vissulega góður punktur hjá þér að fólk í dag er rosalega fljótt að gefast upp. En ég held líka að það sé svolítið þessu nútíma þjóðfélagsmynstri að kenna, lífsgæðakapphlaupið, stress og hraði nútímans og öll sú klisja er alls ekki galin. Það er alveg auðveldast í heimi að missar sjónar af því sem er mikilvægast, og erfiðast í heimi að koma sjónar á það sem í rauninni gerir mann hamingjusaman.

Með þessum fleygu orðum segi ég mig skilið við þessa umræðu um nokkurt skeið.
Ætla að fara að einbeita mér að jákvæðari og uppbyggilegri hlutum.
Vona að þessi lesning hafi ekki drepið neinn úr leiðindum.
Ég reyndi að skrifa þennan pistil með jákvæðum huga og af sanngirni, vona að það hafi tekist.
Að lokum eru skilaboð til Ingvars: Þegar þú syngur “lovely place” í Hotel California þá áttu að spila B7 (H7) en ekki A-moll, þ.e.a.s. ef þú ert að spila lagið í E-moll. Lærðu nú lögin sem þú ert að spila elsku krúttið mitt eða hætti því og farðu að kenna Íslensku.

Kvennsemi

2005-10-24T10:33:00.000+02:00

Jamm Konurnar okkar ætla barasta að ganga út klukkan 14.08 í dag. Mér finnst þetta bara ágætis pæling. Enda grasserar hér kynbundinn launamunur eins og lúpínur. Þó eru ekki allir sem halda því fram, Ingvar er t.d. ósammála því að konur fái lærri laun á Íslandi. En kynbundinn launamunur er bæði lögbrot og mannréttindabrot. Persónulega fyndist mér að það ætti þess vegna að taka bara rótækar aðgerðir, bara stöðva starfsemi fyrirtækja sem fara ekki að lögum. EINFALT!!! (Jú ég veit að það er launaleynd og eitthvað svoleiðis kjaftæði). Eina sem vantar í þessa 14:08-pælingu eru molotov-kokteilar og "riot"!!! :)
Eitt samt svolítið magnað. Heyrði umræður í imbanum þar sem þetta var rætt allt saman. Ein konan sagði að það væri "alls ekki nógu mikið af konum í stjórnunarstöðum og bla bla bla" (Sjálfstæðis-herfa), en þá sagði "Þetta var helst" konan (man ekki nafnið) að það væru ekkert allar konur að sækjast eftir því. Hún vildi frekar berjast fyrir því að rétt yrði úr kútnum hjá 1000 láglaunaðri konum heldur en að berjast fyrir því að fá einhverja eina konu í rusalega háglaunaða stjórnunarstöðu. Þá sagði hin: "já þetta náttúrulega verður að fylgjast að"!!
FYLGJAST AÐ... SMYLGJAST SMAÐ...!!! HAHAHAHAHAHAHAHA kanntu annann ... þvílík bjartsýni.. enda sjálfstæðisherfa sem heldur því líka fram að góðærið og velferðinn komi öllum til góðs. Við skulum nú fylgjast með næstu árin eða tugina þegar laun hinna ríku og laun hina láglaunuðu fylgjast að!!! Við skulum líka fylgjast með því þegar Saddam Hussein verður húðskammaður með orðunum "sussu bía" og svo verði sagt við hann "kallinn minn, þú skalt fá að verða aftur forseti Íraks.... EN bara til prufu.. svo sjáum við til"!!! Jafn líklegt held ég.
Ekki það að kannski er það bjartsýni mikil að halda að þetta uppátæki í dag muni hafa EITTHVAÐ að segja.. þetta er nú allt svo rotið, en þetta er allavega tæki til að sýna fólki hvað þær vilja, láta í sér heyra o.s.frv. Ég þarf að fara með Vigdísi Klöru í skoðun í dag klukkan 14.00, kannski að það verði ekkert af því (veit ekki), en ég ætla allavega ekki að vera einn af þeim eigingjörnu fæðingarhálfvitum sem fara að tuða yfir því hvað þessar konur séu ömurlegar að bara fara úr vinnunni akkúrat þegar þeir þurfa á þeim að halda. Þið hljótið að þekkja svona fávita, þetta eru sömu fávitarnir og eru alltaf á móti því að kennarar fari í verkfall og finnst kennarar hrikalega ósanngjarnir og miklar frekjur.
Ég heyrði ungan mann segja um daginn, "sko ef einstæðar mæður eiga í erfiðleikum með að borga leigu og annað þá er það bara þeim að kenna, þær hefðu bara ekkert átt að skilja við manninn sinn". Við erum að tala um svona 24 ára gamlan mann árið 2005 að tala svona!! Finnst ykkur skrítið að ég sé nú svolitið svartsýnn og hafi ekki mikla trú á mannkyninu svona af og til.

Ég svaf í ca. 3 tíma í nótt.. sem er feikinóg. Er að spá í að fara bara að taka inn ginseng eða eitthvað svo ég sé ekki sofandi svona endalaust.
Spilaði á giggi fyrir mótórhjóla fólk um helgina. Friðleifsdóttir Siv var þarna stödd og held ég að þetta sé 3. Buff-ballið þar sem hún er tjúttandi á kantinum. Kannski er hún FAN!! En með fullri virðingu fyrir því ágæta fólki þá var þarna samankominn svona einhver einkennilegur kjarni mestu fæðingarhálfvita og plebba sem ég hef séð. Athugið að ég er ekki að tala um að allir hafi verið það, heldur var þarna hópur ungra manna. Ég fékk næstum svona "AK-47-tryllingskast". Margir ungir karlmenn er alveg rosalega undarlegir. Það eru þessir kraftadellu-testósteron-bjórþambandi-fótboltabullu-hálfvitar sem fara alveg með þetta. Þeir eyðileggja alveg "reppið" fyrir okkur hinum.

Æðislegt hjá Rúv að leggja út í Söngkeppni Evrópskra Sjónvarpstöðva þetta árið. Ég skil ekki af hverju RÚV hefur ekki þegar sent mannað geimfar til mars meðan það hefur greinilega allt þetta hugreki innanborðs. Ég meina það er ekki nema hvað 2-3 ár síðan þeir héldu svona keppni síðast þannig að annað hvort er það hrein hetjudáð eða algjör fífldirfska að þora að fara út í þetta. Gott hjá Rúv að sýna Stöð Tvö hvar Davíð keypti ölið. Rúv eru bestir/ar *klapp klapp klapp klapp klapp*!!!

jæja ég ætla að fara að gera eitthvað af viti..
-STefán

Mynd

2005-10-22T18:13:00.000+02:00

Langaði bara að prófa að setja inn mynd.. Þarna eru dúllurnar mínar.. María og Vigdís Klara.
alrighty

Nasistamellurnar á Amsterdami....

2005-10-20T15:36:00.000+02:00

Jájá.. við Nasistamellurnar erum svei mér þá að spila á Amsterdam í kvöld (20.10.2005). Þið getið vænst þess að sjá okkur tvo í góðum fíling með sitthvort in-ear monitor kerfið í eyrum, berir að ofan og flottir. Þ.e.a.s. ca. nákvæmlega eins og söngvarinn í Atómstöðinni myndi vilja hafa það. Ég vænti þess að þið mætið öll og hlýðið á undurfagra tóna..
Og ekki orð um það meir...

Yndislegar en heimskar!!

2005-10-12T14:32:00.000+02:00

Það er eitt alveg magnað!! Það er það hvað konur eru yndislegar lífverur en líka alveg ótrulegt hvað þær eru allar alveg hrikalega heimskar!! Ég meina þær geta varla gengið þær eru svo stupid!!!

Sei sei

2005-10-12T00:21:00.000+02:00

Var að horfa á Idol Extra... rosalega lélegir þættir en engu að síður leit ég aðeins á þetta.
Þarna var Svavar að spyrja fólk í kringlunni um hitt og þetta varðandi Idol-keppnina. Hann spurði eina konu hvort hún hefði keypt eitthvað af þeim diskum sem Idol-stjörnur hafi gefið út og hún sagði: "nei, ég kaupi aldrei diska, ég stel þeim alltaf bara af netinu!!". Segir manni allt.
Þetta er svolítið eins og: "Hvað heldurðu að þú eyðir í föt á ári??" Svar: "Og kaupi ekki föt, ég bara stel þeim í Hagkaup". Og að segja það í f#$%ing sjónvarpinu, algjörlega án þess að blikna, finnst mér alveg magnað.

Svo er Tupperware kynning heima hjá mér á mánudagskvöld.

Innlit/útlit finnst mér alveg rosalega vondir þættir. En aftur á móti eru komnir nýjir þættir á Skjá einn (held ég.. frekar en Sirkus) sem heita Design Rules sem eru snilld. Enda eru bretar sérfræðingar í að búa til svona "HOME DECOR"-þætti. Í I/Ú er bara verið alltaf eitthvað að valsa um íbúðir þekkts fólks og puðrað út setningum eins og "já sniðugt"... " þetta er rosalega flott".. "já það er svo margt hægt að gera... " bla bla blabla... EN í Design Rules er virkilega verið að miðla einhverju til áhorfandans. Það er nefnilega soldið mikilvægt að svona þættir leyfi áhorfandanum að líða þannig að honum finnist hann vera samboðin því sem verið er að fjalla um. Ekki eins og í Breathing Rooms (sem voru held ég frá USA) þar sem var verið að dást af vindlakassa sem kostaði kr. 200.000.-. Og þar sem einn þátturinn fjallaði um fólk sem hannaði svefnherbergið sitt þannig að hægt var að ýta á takka og þá opnaðist heill veggur og gólfið mjakaðist, á brautum, út á pall. God damn it!! Þessi Design Rules bara kennir manni alveg helling sem er algjörlega málið að mínu mati í svona þáttargerð.

Jæja .. best að knúsa Maríu sína... og kyssa hana í klessu!!!

Biluð helgi

2005-10-10T12:56:00.000+02:00

Jamm þessi helgi var nett biluð .. spilaði á föstudagskvöldi..
svo vorum við María að stússast eins og crazy í íbúðinni okkar.. bora og hengja upp drasl og þrífa..
Auk þess stoppaði ekki síminn þar sem allir vildu fá lánað dót sem ég á .. hljómborð, rafmagnspíanó og ég veit ekki hvað og hvað..
Svo er auðvitað full time djobb að hugsa um elsku litlu krússídúlluna..
Þannig að þið sem voruð að gera ykkur vonir um að ég hafi verið laus um helgina.. no f"#$ing way!!
Annars nenni ég ekki að blogga meira.. það koma allt of lítið af commentum anyway..
-Stefán

Quiz

2005-10-06T01:58:00.000+02:00

takiði quizzið...
takk takk
Take my Quiz!

Check out the Scoreboard!

Myndbönd

2005-10-04T11:31:00.000+02:00

Við Buff-strákar erum að taka upp myndbönd þessa dagana. Tókum upp 2 í gær og ætlum að taka upp önnur 2 í dag. Svaka fjör. Mamma mín voða dugleg að passa þar sem María er í skólanum og svoleiðis. Jæja.. ég held að það sé best að fara að drífa sig..
alrighty..

Svavar - Clementine

2005-10-02T00:16:00.000+02:00

Verð bara að benda öllum á frábært lag.
Þetta er lagið Clementine með Svavari Knúti Kristinssyni (trúbador Íslands) /Hraun.
Hér er linkur til að downloada: http://www.simnet.is/muzak/?i=2005_07_01_blogarchive.lbi
Mér finnst þetta lag vera snilld!! Alveg málið!!
njótið.

Annars er ég bara hérna heima, einmanna, á laugardagskvöldi. Mjög óvanalegt og skrítið að vera ekki að spila neitt þessa helgi. Skrítið að hitta ekki strákana í bandinu og allt hitt fólkið sem er alltaf að dansa fyrir framan okkur þegar við spilum. Það vill enginn vera memm!! María farinn í afmæli og meira að segja dóttir mín, Vigdís Klara rassabossakrútt, vill ekki vera memm, bara steinsofnaði áðan!! :(

Hins vegar vill ég taka til baka þetta með hana Indversku Prinsessu okkar íslendinga. Auðvitað á alveg eins að fjalla um hana og hvern annan á þessu skeri. Ég meina í alvöru. Hennar sjónarmið eru kannski svolítið skrítin, jú, en hennar rödd má alveg heyrast líka. Þannig að, verum umburðarlynd og lærum að fyrirgefa!! Þetta virkar annars ekki!!
ok bæ!!

Falsksveit verkalýðsins!!

2005-09-30T11:53:00.000+02:00

Sá íslandsmetið í felskju innanhús án atrennu slegið rækilega í morgun. Var að horfa á Ísland í bítið og var þar ónefndur "söngkennari" að fara hamförum!!
1. regla: Ef þú getur hoppað og sungið um leið, gerðu það endilega, ef ekki, slepptu öðru hvoru!!
Mér finnst líka svo magnað þegar svona sjálfstæðir skólar eru með námskeið í söng, þá eru alltaf svona "söngkennarar" að kenna sem að mínu mati eru ekki mjög góðir söngvarar, þeir eru bara svona "celebrities", mjög magnað!! Bíð bara eftir að Idol-Simmi komi fram í einhverri auglýsingunni. "Simmi og Auðunn Blöndal verða gesta-söngkennarar í vetur"!!

Jæja nóg af tuði... snúum okkur heldur að röfli!!

Sjálfstætt fólk!! Mér hefur nú fundist hann Jón Ársæll nokkuð fínn dagskrárgerðarmaður, en ég meina að vera með þátt um Leon-C (þori ekki að skrifa rétt nafn, hræddur við huganlegar afleiðingar). Gefa henni tækifæri á að demba sinni geðveilu yfir landan áður en hún fer úr landi brott?? "What do you think of Icelanders" / "They are bloody, stinking rasists, that´s what they are"!!
OK!! Ég er ekki að segja að hún eigi bara að elska okkur. Og jú, auðvitað er glatað að vera að grýta húsið hennar og þess háttar, en þetta er ekkert bara það! Hún þolir ekki gagnrýni aumingja manneskjan, og lifir bara í einhverjum einkennilegum sjálftilbúnum (er þetta orð til) veruleika. Veruleikafyrring er orðið sem ég leita að. Það þýðir ekkert að gefa út efni og svo þegar fólk fer að ræða um gæði þess, eða þá (ó)gleði sem það finnur í brjósti sér við að hlusta á það, að fara þá bara í fýlu og segja að allir séu rasistar. God damn it!! En það er víst búið að ræða um hana nóg í fjölmiðlum og bloggum!! En eitt vil ég þó segja: Ég vildi óska að ég hefði eins og míkróskammt af þessum eiginleikum hennar, þá væri ég kannski búinn að gefa út eina fokking plötu!! En eitt er víst, að þegar hún kemur út (ef guð og gæfan vill) þá eruð þið bara fokking Hafnfirðingahatarar ef ykkur finnst hún ekki æði!!!

Að lokum vil ég segja....

EKKERT!!!

Uppskriftir

2005-09-29T16:04:00.000+02:00

Ég eldaði mér frábæra máltíð um daginn, meðan Naría var í kvöldskólanum.

Humar og rækjur í butter chicken og kókós.
Slatti af humar
Slatti af rækjum
Steikt á pönnu, hella vökvanum af af og til.
Skera fullt af grænmeti, gulrótum, lauk, hvítlauk, papriku, púrrulauk, radísum, baby-corn o.s.frv.
Skella því á pönnuna og krydda yfir með smá aromat og dilli.
Leyfa grænmetinu að steikjast soldið og þá skella einni krukku af Tilda Butter Chicken sósu og kókósmjólk yfir.
Láta malla í 5 mín.
Bera svo fram með hituðu Nan-brauði.
Einnig er frábært að blanda saman, sýrðum rjóma og Mango chutney sósu til að hafa svona on the side. Einnig frábært að setja soldið af mintu út í hreinan jógúrt til að hafa on the side líka.

Svo hef ég stundum gert svona einfalda Lax-máltíð.
Laxinn góði:
Skella ca. 2-4 laxaflökum í eldfast mót og hita í ofni á 200 gráðum. Salta hann aðeins.
Taka kartöflur og sætar kartöflur, skera í litla kubba og steikja á pönnu. Salta og strá yfir dilli, chives og eitthvað solleis.
Sósan er mjög einföld, smjör brætt og graslaukur skorinn í smátt og bætt út í ásamt hvítlauk.
Rosa gott að bæta líka sýrðum rjóma út í sósuna. mmmmm....!

Selfoss

2005-09-29T15:39:00.000+02:00

Við Buff-menn fórum í gær á Selfoss og tókum myndir fyrir umslag plötunnar nýju, SELFOSS! Það var bara fínt.. Bjarni Friðriks, hljóðmaður og Bernaise-master tók myndirnar á fínu CANON vélina sína.
Annars er ég bara rosalega lítið sofinn, Vigdís Klara krúttudúlla er voða dugleg við að vakna á nóttunni og vilja stuð og fjör, þó aðalega pelann sinn. Vaknaði 2 í nótt og sofnaði aftur klukkan 4 og vaknaði svo aftur rétt rúmlega 6. þannig að við erum kannski að tala um 3 klukkutíma samanlagt í svefn. En svona er þetta nú bara, þegar maður er alltaf í sleik þá kemur barn. En svo er þetta nú líka svo rewarding að hið hálfa væri nóg. það er nóg bara að líta framan í hana og sjá hana brosa til sín og þá er bara allt gott og maður getur bara tekið svefn og troðið honum upp í rassgatið á sér.
Svo er maður að fara að vinna meira í Það var lagið! Það verður örugglega bara jafn svaka gaman og síðast. Svaka törn, erfitt en gaman. Hvernig finnst ykkur annars Það var lagið-stefið??? Ég samdi það!!
Jæja mér heyrist Vigdís Klara vera að vakna frá sínum krúttublundi svo að það er best að fara að sinna henni og fara svo með hana í vagninn sinn og út að labba. Kannski ég bara geri það sem mér finnst skemmtilegast þessa dagana; fara og versla í matinn!! No kidding, mér finnst það rosalega gaman!! Sérstaklega þar sem allt exotic indverska og austurlenska draslið er!!
Well anyway
bæ bæ

London; Ferðasaga!!

2005-09-27T12:26:00.000+02:00

Laugardagur: 17. sept.
Leifstöð: Versluðum helstu “nauðsynjar” og drukkum bjór.
Flug: spiluðum myllu (millu??) og leystum næstum því 3 krossgátur milli þess sem við fórum í hörku sleik.
London: “Tjekkuðum” okkur inn rétt eftir að við hjálpuðum lyftunni að opnast. Fórum upp á herbergi þar sem ég náði að eigna mér neðri kojuna!!
Fórum út að borða og röltum svo eitthvað í leit að stað þar sem hægt væri að fá sér drykk og chilla.. en allt lokað.
Sunnudagur . 18. sept.
Vöknuðum, burstuðum, fórum í hörku sleik og svo beint út að versla eins og MOFOS. Byrjuðum á því að kaupa helling af fötum á mig, og svo fengum við okkur bjór. Versluðum svo soldið á Maríu og fórum svo og fengum okkur bjór. Spjölluðum við “locals” á pöbbi einum sem heitir “The Tottenham” sem er sami pöbb og ég og Bergur fórum á forðum daga. Fórum á Denmark strít þar sem ég keypti ól fyrir Banjóið mitt, fullt af “fingerpicks”, og Stevens bar slide og capo fyrir Dobróið sem ég ætla að eignast bráðlega. Fórum á skó-rýmingarsölu og keyptum skó á Maríu og Vigdísi klöru. Skiluðum dótinu á “the Youth Hostel” og fórum svo og fengum okkur indverskan.... mmmmmm... “kormað” var yndislegt!!
Tókum leigara til Hammersmith, þar sem tónleikarnir með AKUS áttu að eiga sér stað. Hittum Jón Ingólfs úr Tvist og Bast og var hann hress. Þar sem rafmagnslaust var í hverfinu við Carling Appollo fórum við að hafa áhyggjur af því hvort tónleikarnir yrðu hreinlega. Við biðum og biðum, röltum á næsta pöbb og héldum áfram að bíða. EN svo loks kveiknaði á ljósunum og allt gekk upp.
Tónleikarnir voru snilld. Þvílíkur flutningur. Ekkert meira hægt að segja um það.
Eftir tónleikana var María alveg crazy, henni langaði svo í bjór (líka ég og Jón) að hún hætti ekki fyrr en hún fann bar sem, ólöglega, var með lengur opið. Asskoti seig hún María þegar þorstinn sækir að.
Þegar heim var komið fórum við í hörku sleik og sofnuðum svo út frá því.
Mánudagur. 19. sept.
Byrjuðum á því að fara í Hamleys sem er dótabúð á 6 hæðum. MJÖG skemmtilegt. Versluðum það mikið að við þurftum að kaupa sér tösku fyrir allt dótið. Hefðum þó viljað versla miklu meira en við gerðum .Eftir að dótið var komið á Hostelið, tókum við smá túristapakka. Skoðuðum Trafalgar, Big Ben, Westminster Abbey, London EYE etc. Röltum svo að Buckinghamhöllinni og tókum cab þaðan og í Science Museum, sem var bara gaman fyrir utan að ég týndi næstum Maríu og fór í mikla fýlu en svo bara fórum við í sleik og allt var gott aftur.
Ég dró Maríu í búð sem ég vissi af á Charing Cross Road, þar sem ég keypti, kennslu DVD diska. Banjó kennslu disk, 2 dobro og einn fiðlukennsludisk.
Svo enduðum við á því að fara og fá okkur aftur Korma á sama indverska staðnum og kvöldið áður.. mmmmmm..... yndislegt.
Náðum í töskur á Hosteli tókum leigara á Liverpool station og lest á Stanstedt þar sem ég gat varla gengið út af núningssári í nára (núningsárínára).
Vorum kominn að sækja dóttur okkar til Mömmu minnar og pabba um klukkan 12, sem er náttúrulega allt of seint fyrir svona litlar dúllar að vera að vakna til þess að fara í bílinn og heim. Ég komst af því klukkan 4 um nóttina þegar hún Vigdís sofnaði loksins. En hún vaknaði aftur klukkan 7 þannig að well I don´t know!!

Svo eru bara búinn að vera veikindi á mér og Maríu síðan við komum heim. En Vigdís Klara hefur nú alveg sloppið .. 7..9.. 13.

Hayseed Dixie

2005-09-13T13:12:00.000+02:00

Í dalnum Deer Lick Holler í Appalachia fjöllum Bandaríkjanna sátu nokkrir vinir og spiluðu músík auk þess sem þeir drukku bjór og viskí. Þetta er ekki frásögum færandi þar sem þessi iðja var stunduð flest kvöld af þeim félögum. Þeir spiluðu allir á órafræn hljóðfæri, manólín, fiðlu, banjó og kassagítar og spiluðu músík sem þeir höfðu fengið í arf frá forfeðrum sínum. Kvöld eitt ók ókunnugur maður í gegnum dalinn, en þó ekki alla leið. Hann klessti á gamalt og stórt eikartré við Devil´s Elbow Curve og lést af þeim völdum. Þessir félagar fundu vinylplötur undir aftursæti bílsins og ákváðu að nú skildu þessar plötur vera settar á 78 snúninga grammafóninn og nú skildu þeir læra fleiri skemmtileg sveitalög. En þessar plötur voru ekki kántrý, þjóðlaga né bluegrass plötur. Þetta voru AC/DC plötur, músík sem þeir vissu varla að væri til. Nú hafa þeir gefið út fjölmargar plötur þar sem þeir spila þekkta rokkslagara í "bluegrass style".
Lesið meira hérna http://www.hayseed-dixie.com/genesis.html

Takk takk..

-STefán

Ja ha ha há!!!

2005-09-11T11:20:00.000+02:00

Jamm þetta með Alþýðubandalagið var nú bara djók svo við skulum nú alveg vera róleg.
Ég er nú ekki mesti alhæfingamaður vil ég trúa, svo að þó maður taki nú bara svona góða skorpu einu sinni á ári þá held ég að það ætti alveg að vera í k-i!
En þetta er alveg rétt hjá Ingvari enda klár og oftast vel þenkjandi maður, þó að hann sé hægrisinnaðri en Hitler. Það eru hálfvitar út um allt. Stundum trúi ég því, (þ.e.a.s. þegar ég veit að fjölskyldunni minni líður vel, ég er með grilltöng í hönd, ískaldan bjór skammt frá mér, sólin skín, Alison Krauss er á fóninum, ódýra kryddlegna svínakjötið brennur ekki um of á grillinu, og þar af leiðandi er ég í góðum fíling,) að fólk sé bara innst inni gott, hjartahreint og réttlátt. En svo þegar maður fer og umgengst fólk, sérstaklega þegar maður er að spila fyrir fullt fólk, þá kemst maður að því að meginþorri fólks er fífl.
Annars var ég ekki að skrifa þetta síðasta blogg að því að mig dauðlangaði að koma af stað einhverri pólitískri umræðu. Þetta átti nú bara að vera einræða. Ég var sérstaklega ekki að biðja um upprifjun á einhverjum fornum vinstrimanna syndum. Því ef við byrjum á því þá er erfitt að stoppa og þá munu margir liggja í valnum.

Við spiluðum fjögur gigg um helgina, og var það bara nokkuð krefjandi. Ég var alla vega alveg búinn undir restina. Eitt fannst mér soldið glatað. það var þegar við vorum búnir að spila af okkur rassgatað í 6 tíma nærrum samfleytt og ég ákvað að chilla með eins og einn bjór með strákunum í hljómsveitarherbergi NASA. Þá bara allt í einu fylltist herbergið af fólki, fullt af fólki sem ég jú þokki og var væntanlega boðið þangað inn en líka fullt af fólki sem ég hef aldrei séð áður. Og svo allt í einu var Palli Jóns að segja: "Hey Krissi Bö viltu einn eða tvo bjóra úr kælinum" (þ.e. kælinum sem Nasa er með þarna fyrir bandið) Svo segir Krissi Bö: " já hafðu þá tvo". Í þann mund seilast Palli Jóns í skápinn og nær í tvo og opnar þá báða fyrir Krissa vin sinn. Nett glatað, mjög Íslenskt. Mig langaði að spyrja. "Hverjir eruð þið?? .. af hverju eruð þið hérna að angra mig í lok vinnunnar??? .. og af hverju EIGIÐ þið allt í einu þennan bjór???!!!

Jæja ég þori ekki að skrifa meira.. þarf að vera fljótur að þessu. Netið er alltaf eitthvað að fokka í manni hérna.

-Stefán

1000 ár sagði ég!!!

2005-09-09T09:23:00.000+02:00

Það var maður í kvöld sem sagði við mig: "þú ert listamaður, þú hefur aldrei þurft að vinna fyrir þér" Mjög magnað, ég sem hélt að það væru einmitt fokkings helvítis sjálfstæðis manna börnin sem væru þannig. Allavega þessi maður (sjálfstæðismaður og fáviti, sem þeir eru allir) þóttist geta séð það á mér að ég hafi aldrei þurft að vinna fyrir mér. Trúið mér, ég hef alveg þurft að nota mína hæfileika til þess að koma í mig og mína mat. Allt í lagi, kannski ekki alveg vetfangurinn til að SANNA það að ég hafi þurft að vinna fyrir mér, enda flest allt vinir mínir að lesa, (vona ég). En eitt verð ég að segja, ég vil ekki vera fordómafullur en verð þó að segja að ALLIR SJÁLFSTÆÐISMENN ERU FOKKING HELVÍTIS FÁVITAR... ég þorði bara aldrei að viðurkenna það. Þessi feiti fáviti þarna í kvöld var einmitt einn slíkur, feitur, í jakkafötum og fordóma fullur eins og ég. NOTA BENE ég var nú ekki búinn að segja honum að ég væri nú nokkuð hægri sinnaður sjálfur... en nei nei .. hann bara þurfti endilega að segja mér það að ég væri listamaður (fair enough, if that´s what you wanna call it) og að ég HEFÐI ALDREI ÞURFT AÐ VINNA FYRIR MÉR!!! Ég er með jöfnu: Feiti gaurinn + Pétur Blöndal = sjálfstæðismenn = fávitar!! Æji sorrý .. ég ætti kannski að láta aðeins renna af mér.... reiðinni... Nei andskotinn hafi það.. ég ætla bara að vera með sleggjudóma og leiðindi..
Eitt þoli ég ekki með marga sjálfstæðis(réttdræpa)fávita að þeir þykjast geta bara sagt að allt vinstri sinnað fólk séu bara vitleysingar út af því að einhver ein vinstri manneskja sagði eitthvað ógáfulegt fyrir 15 árum... á sama tíma hafa sjálfstæðis menn "lindarheila" eins og Pétur BLöndal (heimskasti maður í heimi) innanborðs. EN þegar maður minnist einu orði á hann þá segja allir, " æji já , það er ekkert að marka hann, hann er nú bara vitleysingur"!!. "Hæ hæ , Stefán heiti ég og er nasisti" - "ha? nasisti ? bíddu...? eins og Adolf Hitler?" - "nei nei.. ekki þannig sko ... það er nú ekki að marka hann.. hann var nú bara algjör kjáni"!!
Hinir fáu koma upp um restina vegna þess að einhvers staðar hlýtur hið raunverulega eðli að sprautast út!!! Og ég get svo svarið það að ef einhver fer að leiðrétta þetta blog af málfræðivillum þá verður sá hinn sami HANGDUR (komið af orðinu AÐ HANGA). Fokkið ykkur sjálfstæðismenn.. og megiði deyja 1000 ára löngum og kvalarfullum dauðárum!!!

Jæja jæja!! Netið komið í lag hjá mér???

2005-09-06T17:23:00.000+02:00

Ég þori ekki að lofa að það (netið) verði í lagi hér eftir. En ég er allavega að nota það núna!! Ég ætla að vera duglegri héðan af að skrifa og tuða og rugla í blogginu!!! Má samt ekki vera að því núna... þarf að fara með bílinn í skoðun og júmpa hitt og þetta..
-Stefán

AKUS

2005-07-20T14:15:00.000+02:00

Ég skellti mér á netið í gær og barasta keypti svona eins og tvo flugmiða til London 17. september OG tvo miða á Alison Krauss and the Union station konsert í Carling Apollo Hammersmith þann 18. september. Ég og konan ætlum að skella okkur og njóta þess mikið.
Ligga ligga lá!!!!!

"Practice makes perfect, but nobody is perfect, so why practice??" - Billy Corgan, Smashing Pumpkins / Swan.

Ég á nýjan bíl!!!

2005-07-18T15:34:00.000+02:00

Hæ hæ..
Vitiði hvað ég gerði fyrir stuttu?? Ég stal bíl!! Glænýr og flottur. Ég fór upp í Heklu eina nóttina og sá að það væri ekkert mál að stela svona eins og einni nýrri Toyotu svo ég gerði það. En svo er spurning hvort að helvítis Heklumenn, (sem eru ekkert nema nískir aurapúkar sem mjólka landann með því að selja bíla á uppsprengdu verði), fari eitthvað að kvarta. En þeir geta bara farið í rassgat. Ég meina komm on. Ég er sá sem er að keyra á bílnum og það sjá mig allir á götum úti og hugsa: “Vá flottur bíll… best að fara upp í Heklu og kaupa mér svona, jafnvel tvo”!! Og svo leyfi ég öllum vinum mínum að prófa, jafnvel lána hann í nokkra daga og þá jafnvel kaupa þeir hann líka. Þannig að í raun er Hekla bara að stórgræða á þessum stuld mínum.
Ekki það að ég var nú eiginlega búinn að ákveða líka að ef mér líkaði við bílinn þá myndi ég nú bara borga hann, er samt ekki alveg viss, ætla að prófa hann svolítið lengur. Ef ykkur vantar bíl þá get ég bara brennt…. Fyrirgefiði RENNT niðureftir og náð í einn fyrir ykkur. Það er svo rosalega lélegt þjófavarnar-system þarna hjá þeim í Heklu að það er EKKERT mál að stela frá þeim.

Sjámst í umferðinni!!!

-Stefán “Bílasafnari”!!

Barinn af róna!!

2005-07-08T18:51:00.000+02:00

Lenti í ótrúlegu atriði um daginn meðan ég stóð fyrir utan Tónabúðina. Mjög svo ógæfulegur róni kemur arkandi að mér, þar sem ég stóð þarna í sakleysi mínu, og tekur örlítið tilhlaup og kýlir eitt vindhögg í átt að höfðinu á mér. Svo labbaði hann barasta í burtu en kemur svo aftur mjög skömmu síðar og spyr mig "Errr dúuaah... uhh ..feniniistmisti... helllíti itt" (þýðing: "Ert þú femínisti helvítið þitt??"). Svo byrjaði hann bara að lemja í búkinn á mér, ekki mjög fast en þó reyndi hann mjög. Ég sagði honum að hypja sig en þá ákvað hann að gefa mér eitt gott hnéspark í mjöðmina og rauk svo burt eftir að hafa ausað yfir mig einhverjum fúkyrðum sem ég skildi ekki. Magnað. Ég vissi ekki hvort ég átti að vera reiður eða bara hlægja. En ég ákvað bara að hlægja að þessu.
takk fyrir í bili..

Skrítið!!

2005-07-01T14:49:00.000+02:00

Var að lesa eitthvað dagblað um daginn. Þar var kona að segja að það væri svo fáranlegt með allar þessar "Birgittur, Jónsa, og Bubba" hér á landi hve gjörn þau væru á að auglýsa sig um jólin. Sýna á sér sínar bestu hliðar, opinbera sitt fjölskyldu líf og persónulega hagi BARA til þess að GRÆÐA, (sem er auðvitað versta synd sem til er, er það ekki??). Svo þegar það hentar þeim ekki og umfjöllunin er slæm þá fara þessar stjörnur alltaf að væla!!!
OK!! FINE!! Semsagt þegar þessi kona fer t.d. í atvinnu viðtal þá hlýtur hún þá að segja frá öllum sýnum syndum er það ekki. Hún hlýtur að segja frá því þegar hún hélt framhjá manninum sýnum og líka frá því þegar hún ældi yfir sig alla á hestamannamótinu í fyrra. Hún hlýtur nú líka að sýna myndir af sér ofurölvi í KÖBEN með jónu í kjaftinum. Auðvitað gerir hún þetta til að sýna ALLS EKKI sýnar bestu hliðar því þá gæti hún hugsanlega fengið DJOBBIÐ og hugsanlega grætt pening. Og eins og við vitum er það ekkert nema hræsni.
Svo var önnur kona sem skrifaði í blaðið. Þar benti hún á að Slúðurblöð væru og hefðu verið til lengi lengi ERLENDIS. Þess vegnu ættu íslendingar ekkert að vera að kvarta yfir tilvist þeirra hérlendis. OH MY FUCCKING GOD!!! Af hverju eru til svona fávitar. Það er líka til BARNAÞRÆLKUN erlendis, morðtíðni er miklu hærri í Perú heldur en á Íslandi, menn hella sýru í andlit eiginkvenna sinna í Tyrklandi ef þeir gruna þær um framhjáhald. VERÐUM VIÐÞÁ EKKI AÐ HAFA SOLLEIS HÉRNA Á KLAKANUM!!! JÚ AUÐVITAÐ DRÍFUM Í ÞESSU!!!
AAAAAAAAAAAAAAAARRRRRRRRGGGGGGHHHHH!!!!!!
Svo sagði Sverrir Stormsker að Bubba væri nú bara búinn að gefa út skotleyfi á sig með því að vera frægur. SVERRIR sagðist líka ætla að hjálpa DV að finna mýnd af sjálfum sér að rúnka sér. Sverrir er líka frægur svo að hann hlýtur að vilja vera næstur.
Takk fyrir í bili!!

Gátur tvær

2005-06-10T16:29:00.000+02:00

Hér kemur aðeins hefðbundnari gáta:
Svín er 30 kílógrömm að þyngd plús helmingur þyngd sinnar, hvað er það þungt???

Svo getið þið reynt við þessa gömlu góðu. Og jafnvel þessa hérna líka:

E ð þ r o á e n
f i e u g þ r s
þ s t ð s p þ u
i e t i v p a a
ð l a n o u ð l

takk fyrir...
-Stefán

Hellisandur

2005-06-09T13:32:00.000+02:00

Fór á Hellisand að spila síðasta sunnudagskvöld. Það er ekki frásögum færandi nema að haldiði að það hafi bara einhver gaur hlaupið upp á svið og gert 1-2 tilraunir til að lumbra á Þorgils gítarleikara. Hann hélt því fram að Gilsi hefði neitað að spila fyrir hann óskalag og svo sparkað í hann svo að hann datt niður af sviðinu. Í fyrsta lagi átti hann EKKI AÐ VERA Á sviðinu og í öðru lagi vorum við nýbúnir að spila umbeðið óskalag OG svo datt hann algjörlega af sjálfsdáðum með dyggri aðstoð bakkusar. Nema hvað, svo þegar við ætlum að bera græjur út í bíl, þá stendur hann þarna bakvið hús og er í VÍGAHUG. Bergur spyr hann hvort hann ætli nokkuð að valda meira vandræðum þá sagði hann: "nei... ég ætla bara að drepa hann"!! Við létum dyraverðina (takið eftir VIÐ LÉTUM) hringja í lögguna sem kom að vörmu spori. Maðurinn stóð þarna og neitaði að fara upp í bílinn svo að löggan sagði: " já já það er allt í góðu Ronni minn". Ronni útskýrði fyrir þeim að Þorgils hefði sparkað í punginn og sýndi þeim til sönnunnar marblett sem var á sköflungnum á honum. Svo var mikið rætt á meðan við rótuðum í flýti í bílinn, þá skömmu seinna kemur Ronni og segir: "Ætlarðu ekki að biðjast afsökunar"?? Afsökunnar á hverju spurði Þorgils. "Nú fyrir að sparka í rassinn á mér". Magnað!!! Maðurinn gat ekki einu sinni samræmt söguna við sjálfan sig. En þetta endaði nú allt þannig að löggan og Ronni voru orðnir fínir vinir, enda Toggi Lögga eflaust giftur litlu frænku hans Ronna. Við keyrum og burtu og sjáum þá Ronna gamla vera kominn með kerlu sér við hlið og var á leið með hópi fólks í eftirpartý. Fyndnast er að þessi gæji er kallaður RONNI ROTARI og jú, það eru einmitt bara fórnarlömb sem fá slík viðurnefni, ekki rétt???

það hefur ENGINN getað leist gátuna, nema jú, Maríu tókst að leysa hana á 5 mínútum.
Vísbending: Polki. Blómakrans.

Takk fyrir

Netið og gaman

2005-05-27T03:40:00.000+02:00

Jæja ég er kominn með internetið heim til mín.. voða voða gaman. Haldiði að María, mín heittelskaða hafi ekki bara fixað þetta með ADSL-ið. Hún er soddan æði.
Pabbi gaf okkur málverk í kvöld. Sjáið fyrir ykkur hús á túni og heiðblár himinn fyrir ofan og það er greinlega sumar. Takið svo myndinna og snúið henni 180 gráður (þ.e.a.s. á hvolf) og þá er nákvæmlega sama myndefnið nema að þá er meira svona eins og vor. Algjört æði. Maður getur bara snúið henni og þá er ný mynd sem snýr rétt. hehe heh.. um leið og ég sá þessa mynd sem var bara eitthvað schetch hjá kallinum þá heimtaði ég að fá að eiga hana.

Svo vorum við feðgarnir að ræða um ORÐ og uppruna þeirra og þess háttar. Orðið AMATEUR þýðir í raun upphafleg: sá sem hefur ástríðu (aime) fyrir einhverju. Þá er nokkuð merkilegt hversu þetta orð hefur samt öðlast neikvæða merkingu: "æji, hann er nú óttalegur amatör"!!
Meðan orðið Professional stendur þar andspænis sem jákvætt orð. Skrítið þar sem áhugamenn/amatörar/þeir sem hafa ástríðu fyrir e-u eru engu að síður líklegir til að vera færir í því sem þeir gera heldur en þeir sem eru "pró", og eru kannski stundum að gera hluti aðalega til að færa björg í bú.

Jæja nóg um það.

Stebbi segir ei meir í kveld.

Gátan góða!!

2005-05-26T16:57:00.000+02:00

jamm internetið liggur ennþá niðri eins og er, Ég er að láta Halla Hólm laga tölvurnar okkar Maríu um þessar mundir gengur hægt en vel!!! Hvernig sem það má nú vera.

Gátan hefur ekki ennþá verið leist því miður...
Vísbending:
Kvenkyns galdramaðurinn átti það til að semja stutta lagbúta!!

Og ekki gleyma að svara í sömu mynt!!

takk takk

Internet

2005-05-20T14:45:00.000+02:00

Jæja.. það er búið að vera eitthvað smá vesen með netið hérna heima hjá mér.. en ég held að þetta fari nú að lagast:
Annars er ég núna að bíða eftir strákunum í Buff þar sem við erum að fara á Bakka til að taka flug til Vestman-Islands. Stuð og fjör.
júróvisjónkeppnin í gær ..var ....spes!! Áfram Norge segi ég..

Gáta:
Sat hel frá Unu
Ögrun Grunn
Án ólgar ung
Ísis logn.

Ef þú veist svarið, svaraðu þá í sömu mynt!!

Jæja jæja ..
bæ
-Stefán

Vigdís Klara

2005-05-07T17:22:00.000+02:00

Hæ hæ .. sorry hvað ég hef ekkert skrifað lengi. maður er bara bissí og ekki með internet heima hjá sér.
Ég eignaðist dóttur núna 25. apríl og er hún fallegasta barn í heimi. ég meina ég bað um fallegt barn en öllu má nú ofgera. Hún var tæp 11 merkur og 48.5 cm, alveg oggolítil og dæt.
Hún heitir Vigdís Klara og er jú Stefánsdóttir. þar með er hún alnafna langömmu sinnar. Amma var alvega stórmerkileg kona og var/er ákaflega elskuð og dáð af sinni fjölskyldu, rétt eins og Vigdís Klara mín litla.
Það verður ekki nein skírn en það er aldrei að vita nema við höldum einhverskonar veislu henni til dýrðar þar sem lífinu, hinni stórbrotnu náttúru og ástinni verður fagnað.
Gæti vel verið að maður geri eins og "hinir" og búi til litla sæta barnalands-vefsíðu fyrir dúlluna litlu.
þegar fram í sækir eru allir velkomnir í heimsókn að kíkja á gússí-gú-stelpuna mína. En bara að muna að hringja á undan.
alrighty..
lag dagsins.. er norska júróvisjón-hármetal-lagið.. allir að kjósa það..
-stefán

Sheize Beize!!

2005-02-08T12:56:00.000+02:00

Þetta er svakalegt hvað ég er alltaf latur að blogga!! maður er auddað bara svo bissí.. má nebblega ekki blogga í vinnunni. En ég ætla að vera með góða net-tengingu þar sem ég er að fara búa næstu 5- 15 árin svo að þá kannski bloggar maður almennilega í sumarfríinu og í fæðingar orlofinu.
Eitt mjög skrítið og fyndið og skemmilegt. Það er alltaf verið að hringja í mig þessa daga og spyrja eitthvað eins og: "hey stebbi vantar þig ekki barnarúm??" , "hey vantar þér ekki rúm?"" " vantar ykkur eldhúsborð?" eða eitthvað eins og "ég get látið þig fá skiptiborðið okkar við erum hætt að nota það". "Já já ekkert mál þið fáið bara sófan þegar þið viljið flytja"???
Bara allt í einu eru ALLIR að hringja í mann og vilja endilega gefa manni eitthvað, bara eins og fólk eigi lífið að leysa!!
Ekki var þetta nú svona áður fyrr.. "hey stebbi vantar þig ekki DVD spilara með meðfylgjandi heimabíókerfi,.... hey vantar þig ekki líka kassa af bjór... hey nú man ég!! ég á flugmiða fyrir tvo til NEW YORK ásamt hótelgistingu í 2 vikur sem ég er hættur að nota"!!!
En þetta er eflaust annars eðlis!!
Annars er ég búinn að vera að spila í Fólk með Sírrý.. það er bara soldið magnað djobb.. sit og spila og spila og svo byrjað sjálfur þátturinn og þá spila ég bara svona inn í auglýsingar og út úr þeim.. og stundum meðan fólk að er að tala og solleis.. svo bara fer maður heim og hlær svo alla leið í bankann!!
En ég komst að því að Íslendingar eru soldið spes (spes = hálfvitar). Idol þátturinn síðasti sýndi það og sannaði. HEIÐA Í ÞREMUR NEÐSTU SÆTUM??? Æji kannski skil ég bara ekkert þessa keppni. En ég er á því að Heiða er allt of góð fyrir þessa keppni.

Leikari dagsins er Eric Roberts þar sem hann er jafngóður leikari og að þjóðarmorð eru fyndin!!

bæ bæ

"Meisaðu mig!!!"

2005-01-08T13:44:00.000+02:00

Sá um daginn frétt um einhverja Grindvíkinga (Grind-Víkingur, Grænd-Víkingur) þar sem þeir voru að kveikja á brennum of snemma og einhver unglingspjakkur sagði í bræði sinni: "meisaðu mig, meisaðu mig... ég skal sko láta þig sjá eftir því". Það er einmitt út af svona fólki sem það ætti að lögleiða geldingu hálfvita svo þeir ali ekki af sér aðra hálfvita. Það er svo spes að það þurfa allir að taka próf til þess að mega keyra bíl og fá aldur til eins og annars en svo geta bara allir hálfvitar heimsins alið af sér börn.
Svo sá ég annan hálfvita í Sunnudagsþættinum um daginn þar sem hann var statt og stöðugt að tönglast á því að pólitík ætti aldrei að stjórnast af skoðana könnunum (fair enough) þar sem það væri ekkert alltaf að marka þær. Svo fór hann að tala um einhverja íslenska skoðanakönnun sem honum fannst ekki vera marktæk og ætti hreinlega að hunsa. Sér til málsbóta tók hann fram SKOÐANAKÖNNUN frá Írak!!! Say no more!!!
Spilaði á Dubliner fyrstu helgi ársins og þar kom einhver gaur og tók úr sambandi stóran hluta af græjunum okkar. Ingvar fór á eftir honum til þess að lesa yfir honum og jafnvel líka til að hann slyppi ekki EF eitthvað af græjunum hefði orðið illa úti vegna þessa skyndilega straumrofs. En viti menn gæjinn varð bara crazy og þumalputta braut Ingvar okkar!!! Djíses kræst. Ég hélt bara áfram að spila síðasta hálftíman meðan Ingvar greyið fór á slysó.
Annars voru jólin bara svaka fín, voða næs og kóssý!!
Í gær gerði ég mig fyrsta kauptilboð í íbúð á minni ævi, og var því bara tekið vel og er ég á leiðinni að vera íbúðareigandi. Hehe.. ÉG ??? íbúðareigandi??? Magnað!!!
Ætlum að kaupa svaka fína 97fm íbúð í Engjaseli, 4ja herb. með bílskýli, svaka fínar svalir í suðurátt (mmmmm .. grill og bjór næsta sumar) , flott og rúmgott eldhús með opið (að hálfu) inn í stóra stofu og svo þvottaherbergi og ALLT!!!! SNILLD!!! maður verður eins og lítill krakki á jólum, íbúðinn verður eins og nýjasta lopapeysann.... heheh .. nei nei nei .. nýjasta leikfangið meinti ég.
Nú er bara að bíða eftir sumri, afhendingu íbúðar og barni.
Ekki vera hjátrúarfull!!! Hjátrú er hættuleg!! því meir sem maður trúir á eitthvað svoleiðis álíka bull því minna hugsar maður rökrétt og hana nú ..
gleðilegt ár..
og verið hress..
-Stefán

Kynið!!!

2004-12-23T13:02:00.000+02:00

Ég er að fara að eignast litla prinsessu ca. föstudaginn 13. maí!!
jibbí gaman!!!

Reglumaður

2004-12-15T15:48:00.000+02:00

Var að fatta það um daginn að ég orðinn gífurlegur reglumaður. Ég drekk bjór alveg 3 í viku. Kominn allt of mikil regla hjá manni á þetta. Einu sinni fór maður kannski 3svar einn mánuðinn og svo 8 sinnum þanna næsta, sem er auðvitað hinn versta óregla!!
Ég er að fara að spila og syngja á tónleikum í víðistaðakirkju í kvöld ásamt Kór Flensborgarskólans, Guðrúnu Árnýu, Ólafi Má Svavarssyni, strengja sveit, Brasssveit og rythmasveit og alles. Soldið stressaður þar sem ég ber ábyrgð á mörgu sem fer þarna fram, er mebblega hljómsveitarstjóri líka sko. og útsetti eitthvað af strengjum og brassi o.þ.h.
jæja.. meira seinna

Ædól

2004-12-11T04:17:00.000+02:00

Hey! Ædól í kvöld, kjósa Heiðu. Hún hefur nebblega þann ótvíræða kost að geta sungið eins og moðerfokker. Reyndar hefur hún líka þann ókost að vera frá Hólmavík, en getur lítið að því gjört.
X - Heiða!

Músík Getraun

2004-12-08T16:22:00.000+02:00

Spurt er um lag!!
Lagið kom út á samnefndri plötu árið 1971.
Hlíðarnar á Vinylplötunni höfðu reyndar sitthvort nafnið: þ.e.a.s. A hlið bar nafn plötunnar sjálfrar (sem og umtalað lag 1. lag plötunnar) en B hliðinn kallaðist MY GOD, ( rétt eins og fyrsta lagið á þeirri hlið).
Höfundur textans heitir Jennie.
Textinn varð til þannig að Jennie hafði skýrt fullt af ljósmyndum sínum.
Myndirnar voru skýrðar setningum sem lýstu því hvað var að gerast á myndunum. Síðan voru þessar setningar teknar og settar saman í þennan ágæta texta.
Hvað heitir lagið???

Þitt fyrsta blogg!!

2004-11-27T13:30:00.000+02:00

Hæ hæ Var að spila í gær á Djöbbliners og það var alveg magnað. Þar var t.d. einn maður sem sá mig kófsveittann að stappa báðum löppum (annarri á hold pedal), berjandi á nýja Triton Extreme hljómborðið mitt með báðum höndum og syngjandi í Shure míkrafóninn af mikilli áfergju og þá hugsaði þessi maður "HEY, best að fara og reyna að ná tali af þessum manni þarna á sviðinu!!!" Það eru greinilegt að margir missa gjörsamlega hæfileikann í að kljúfa atóm þegar áfengi er annars vegar. Nei ég meina vá.. kommon... það er SVO greinilegt að maður er "nokkuð upptekinn" á þessari stundu, í miðju lagi, og að halda að það sé bara hægt að labba upp að manni og byrja bara að spjalla!!
Þessi helgi er reyndar algjör kleppur. Var að vinna í gær til 6, spila á Hótel Sögu klukkan 10 og svo á Dubliner frá hálf eitt til 4, vinna í búðinni 11 til 4 í dag, og þá fara á tvær æfingar, og svo spila klukkan 8 á Café Reykjavik, og svo spila milli hálf tiu og 12, þrisvar sinnum, á Hótel sögu og svo aftur Dubliner frá hálf eitt til 4 og svo æfa frá klukkan 2 á morgun!! VEIII !!! gaman gaman!!
Annars er ég bara hress.
Horfði nú aðeins á IDOL í gær, magnað sjónvarpsefni. Varð svolítið pirraður þegar einhver gaur kom og söng lagið "Daydream" , og dómararnir sögðu allir, "tja ég skil nú ekki af hverju þú ert í þessari keppni"!! Bíddu er það ekki dómnefndinn sem "setur" fólk í þessa keppni. Svo virðast ekki vera nein takmörk fyrir hvað fólk syngur illa, Bubbi verður bara sáttari fyrir vikið. "Já, þú hefur svo mikla útgeislun"!! Útgeislun, smútgeislun!! Bubbi hefur líka svo svakalega útgeislun, sérstaklega þegar hann syngur: "í nístingskulda, slyddu og él", þá alveg geislar af honum.
Eins og þið kannski sjáið þá mun þessi bloggsíða vera minn vettvangur fyrir Tuð og röfl!! Like it or not! Ég nenni ekki að vera að halda uppi bloggsíðu og vera alltaf með einhverja "Yfirborðs-jákvæðni" Birgitta og Jónsi geta bara séð um það!!!